Lesson 32: BE BRAVE
( Thukhente 4:1-24)
Deborah le Jael bangin koi ci bang a Pasian sungah hangsan ding.
Late 60:12
Pasian tawh khauhtak in ihih ding hi.Amah pen I galte hong sikcip sak ding Pa a hihi.
Israel te makai Ehud asih khit ciangin Israel mite in Pasian phawk nawnlo in asia in gamta uh hi.Tua ciangin Pasian in Canaan kumpi Jabin khut sungah a maute a pia hi.
Tua ciangin Israel mite in Topa kiangah kiko in huhna angen uh hi.Banghang hiam cihleh amah in sikleng zakua nei a,Israel mite kum sawmnih sung nakpi tak in him Apia hi.
Tua hun laitak in kamsang numei Deborah in Israel te thu khen hi.Ama kiangah Israel mite thu akhen sakding in hong pai uh hi.Amah in misawl in Naftali gam ah Barak samsak in ama kiangah, “Topa Israel te Pasian in nangthu hongpia in Pai in Israel galkap te tulsawm bang là in hong ci hilo ahi hiam?Kei mah in Sisera le agal kap te nangma khutsungah kong pia ding hi.hong ci hi.” A ci hi.
Bang hang Barak Deborah tawh pai nuam sese a hi tam?( amah bek a pai ding lau maw?)
Barak lau in na um hia?( amah lau lo hi.Pasian amah tawh om in Pasian in amah huh ding cih thei hi.)
Deborah in Barak kiangah “tu-in gualzah na pen nangma minthan nading hilo ding hi. Topa in numei khat khutsungah Sisera pia ding hi.” aci hi.Tua ciangin Deborah dingin Barak le Isreal galkap tulsawm tawh apai uh hi.
Israel te in Canaan galkap te namsau tawh that uh a khatzong cian lo hi.Tua bâng, agalleh na uh Sisera in amuh ciangin lau mahmah a,leng tung panin tuak in, akhe tawh tai-in Heber’zi Jael puanbuk sungah hong lut hi.Tua nu in puankhat tawh khuhin asel hi.
Jael puanbuk sung Sisera ading in muanhuai in na um hiam?
Sisera zong agal sim na in tawl mahmah ahih man in tua puannuai ah hong ihmu hi.Tua ciangin Jael in puanbuk khetphim la-in apangah akhen hi tuaciangin Sisera asi hi.Deborah gen sa bangin Pasian in numei khat Jael zangin Canaan galkap makai pa a si hi.
Atung in Barak in Canaan te simding lau hi. Pasian in sepding a hong sawlkhat nasep khat peuhpeuh semngam lo-in lau a kul dia?
Ki lau khathei hi. Ahi zongin Pasian hong sawl ahih nak leh laulo a semngam ding hi hang.Pasian um in hipeuh leng aman hongzawh pih ding hi.Pasian ei tawh hong om den ahih manin lau loding hang a amah umin muang ding hi hang aman hong huh ding hi.
Thu ngetna: “Topa upna hong guanin Deborah le Jael bangin nang a dingin ong hangsan sak in.Zeisu min suang in thu kong ngen uh hi.Topa Pasian aw.”Amen.
0 Comments