THREE REBELLIOUS LEADERS

 Lesson 24: THREE REBELLIOUS LEADERS 

                  ( Gamlakvakna 16:1-35 )

“Pasian koih makai te langpan lo ding”

Paunak 24:21

              Thahatna sangin pilna hoih zaw a, thakhauhna sangin thutheihna hoih zaw hi.

       Tuni pen Moses makai in Israel mite Egypt gampan Canaan manawh a apai na thu uh sin ding hi hang.

     

        Levi mite sungpanin Korah,Dathan le Abiram te in pawl kaikhawm uh a, Israel makai zanih le sawmnga tawh Moses le Aaron langpanin a maute mai-ah dingin   “Khengval lua uh teh! Mihon khempeuhte a milipin siangtho uh a,amaute’ lakah Topa om hi.Banghangin Topa’mihonpite tungah nomau kiliansak tawm na hi uh hiam?a ci uh hi.(Gam 16:3)

    Tua ciangin Moses in, “Korah le apawlte kiangah paaknamtui beella un. Zing ciangin Topa’ mai-ah tua beelte sungah mei koihin, mei tungah paaknamtui koih unla, tua ciangin Topa teel mipen a siangtho hong hi ding hi.Levi’ tapate aw,khengvallua uh teh!” a ci hi.

    Levi mite pen Pasianin biakbuk sung a nasem dingin a teel te ahi uh hi.Tua a hih manin Moses in Korah tung ah, “Siampi nasep zong deihlai na hi hiam? Tu in hilai ah na kikaihkhop uh pen Topa langpanna a hi hi.Note in na langpan uh Aaron pen bang mi hi mawk  a hi hiam? a ci hi.

   Moses in misawlin Dathan le Abiram asamsak hi. Amau te in, “ kong Pai kei dinguh hi. Kote’ tungah nangmah ulian in ki bawl tawm kei in a ci uh hi.

  Tua ciangin Moses heh mahmah in Topa kiangah thu a ngen hi.Moses in zingciang in na paaknamtui bel uh hong paipih un a ci hi. Tua mahbang in hih uh a,Pasian in Moses kiangah, “amaute tomno sungin ka beisak theihna ding in a maute kiang panin kihem un,” a ci hi.

    Moses le Aaron boksuk uh a, “Pasian mi khempeuh tungah nuntak na apia Pasian aw, mikhat khialhna hangin mihon khempeuh te tungah nang heh ding na hi hiam?”a ci uh hi.

   Topa in Moses kiangah, “ Korah, Dathan ,le Abiram te omna Kim pan ki hem un” ci-in aci hi.Tua mah bangin mikhempeuh ki hem uh a, Moses in Pasian in kei hong sawl takpi a hih leh hih mite lei kam ka in a hing tangin leisungah tum ding hi. A ci hi. Tua mah bangin a piang hi.

    Tua ciangin Topa kiangpan in mei hong paikhia in paaknamtui a pia mi za nih le sawm nga te a mang tum hi.

   Tua tengkhit ciangin Israel mihon te in Moses le Aaron paunak san lai uh hi. “ Pasian mite na that uh hi” a ci uh hi.Moses le Aaron a langpan mihon te a kikhop uh ciangin.ki khopna buk lam ah a maute akhuadak uh ciangin,meii in na tuam a,Topa minthanna vang ki lang hi.

      Ki khopna buk mailamah Mosses le Aaron pai a,Topa in Moses kiangah, “ Tomno sungin a maute ka siatsak theih na ding in hih mite lak panin paikhia un,” a ci hi.

     Tua ciangin amaute gel zong boksuk uh  hi. Moses in Aaron kiangah, “na paknamtui beek la in la mihon te lakah pai mengmeng in là a maute ading kilem na bawlsak in,”a ci hi.Banghanghiam cih leh Topa kiang pan in henna hong paikhia a gimna kipan khin hi,” a ci hi.Aaron in Moses gen bangin a sem hi.Mi tampi sikhin ahih manin asi le ahong kikal ah amah dingin gimna a veng hi.Hih gimna tawh a si mi tulsawm le tulli le zasagih a hi hi.Gimna a ven ciangin kikhop a bukkong Mosses kiangah Aaron a ciah kik hi.