(Joshua 3-4:7)
Late 77:11
Topa' sepnate ka lungsimah ka phawk ding a, hun lui-a nangma na lamdangte ka ciamteh ding hi.
Isralites mite Canaan atun nading uh hong nai semsem ta hi.Jodan gun akantan uh kul hi.Jodan gungal ah agalkah ma un tua lai ah giahphual sat uh hi.Nithum khit ciangin Joshua in, "tu in Jordan gun ikantan ding hi."a ci hi. Tua hunlaitak pen anlak hun hi a, tui zong tam in thuk mahmah hi.
Pasian in Joshua kiangah ahih dan ding teng gen hi."Levi mi siampite in thukham singkuang pua ding uh a,mipi in tua singkuang nung zui ding uh hi.A hi zongin thukham singkuang le mipi te kikal pi tulthum bang ki hal ding hi.A gei nai ah napai kei ding uh hi." a ci hi.
Pasian gen bangin amau te zong gamta uh a,thukham singkuang apua siampi te khe tui ah akidiah ciangin tuite kikhen hi.
Tua ciangin Jericho gei ah mite galkah uh hi.Israel te sung, minam bup in Jordan a khen khit mateng, Topa’ thuciamna singkuang a pua siampi te Jordan gun laizang leikeu tungah ding uh hi.
Topa in Joshua kiangah, “Mi namkhat panin mikhat ta tel in la siampi te dinna Jordan gunlai zang pan in suangtum khatta la in agal ah pua-in tunitak na giahna uh munah koih un,” ci-in”a ci hi.
Tua mahbang in Joshua in makai teel in Topa sawl bangin a hih uh hi. “Tua in hong tungding hunah na tate un,hih suangtum te bang acih nopna hiam? cih hong dot ciangin note lakah lim khat hi ding hi.”a ci hi.Joshua in Jordan gun siampi te dinna ah suangtum sawm le nih mah aphut hi.
Makai sawm le nih te in zong suangtum khattek la in agiah na phual uh ah aphut uh hi.Tuni ding in tua suangte Tua mun mah ah omlai hi.
Mipi khempeuh in Jordan gun akantan khit uh ciangin siampi te zong hong pai uh a amau te in Jordan gun khengin leikeu a sim uh ciangin a tuite angei bangin luang kik hi.
Suangtum te pen Israel mite tungah a tawntungin phakna hi ding hi.acih mah bangin Tua suangtum te amuh uh ciangin Israel mite in Topa nalamdang bawl te phawk in lungdam uh hi.
1.Israel miten Canaan a tun theih nading un bang hun kantan uh hiam?
2.Jordan gun akan tan nadingun Levi mi Siampi te in bang pua kawm uh hiam?
3.Siampi ten tui asik uh ciang bang hong piang hiam?
4.Israel minam makai te in Jordan gun laizang pan in bang la uh hiam?
5.Bang hang suangtum te la uh hiam?
0 Comments