ACHAN’S SIN

                          AKHAN’ KHIALHNA

                           (Joshua 7)

Pasian mai-ah aki liah aki seel thei khat zong omlo hi.Thu neu khat ah na khialhna in mawhna lianpi piangsak hi.

Galati 5:9

Silngo themno khat in annel lom buppi tawk thei hi.na ki ci hi.

     Israel mite Pasian in atuam it leh a ompih mahmah den minam te ahih lam i sinsa le i theihsa hi.A maute in Pasianthu mangin Pasian sawl bangin gamta in Jericho kulhpi azawhna thu uh i zaksa a hi hi.

(Amaute in khuapi le asung a om khempeuh mei tawh hal uh a,ngun le kham, sumngo le sik tawh aki bawl nazatte bek Topa inn a sumkoih na-ah a koih uh hi.(Joshua 6:24))

Jericho a zawh khit uh ciangin Joshua in Ai khua ah thukan te sawl hi.

Tua mite zong pai in Ai khua ava en uh hi. A maute hongciah kik uh ciangin Joshua kiang ah, “Ei te hat mahmah I hih manin Mi khempeuh kuansak to kei in tul nih tul thum kuansak in.amau te mi tawmno khat ahih manin i zo mahmah ding hi.” a ci uh hi.

Tua ciangin Joshua in zong galkap tul thum Ai khua sim dingin a kuansak hi.

 Ahi zongin a mau lamet banglo in Ai khua te tawh a ki do na uh ah Tua ni-in Israel galkap te sawm thum le guk a si hi.

Tua ciangin Joshua dah mahmah ahih man in nitak mateng Topa thuciamna singkuang mai-ah a mah le Israel upate boksuk uh a,a maute in a lutung vuah leivui a koih uh hi.

Tua ciangin Joshua in, “Aw Topa nangmah in kite hong huh in Jericho khuapi nong zawhpih hi. A hi zongin tu-in Ai khua te Mai ah ka nung kik uh hi. Kagalte un hong nuihsan ding hi.” ci-in thu a ngen hi.

Topa in Joshua kiangah  “ tho in bang hangin tua bangin hih na hi hiam?Isreal mite khial a, amaute in ka thupiak thuciamna palsat khin uh hi.Amau te in aki-ap na te pawlkhat la uh a,amau te in gu-in zuau thugen uh a, amau van lak ah Tua nate koih uh hi.Tua thu hangin Isreal mite in agal te uh nang zolo uh hi.Amau te pen suksiat ding mi na suak khin uh ahih manin agal te uh mai-ah nungkik uh hi.Note lakah aki-ap nate na suksiat kei uh leh note tawh kong om khawm nawnkei ding hi.Tho inla mite siansuah in,” a ci hi.

Azing ciangin Joshua in Isreal mikhempeuh sam in Pasian in ama tung a agen thu teng agen hi.Pasian mai ah aki selsim thei bangmah omlo hi.Pasian thukham te a manglo kua na hi uh hiam? Pasian in hong thei hi.Tua mawhna nei pen kua na hi uh hiam? acih ciangin kuamah pau lo hi.

Tua ciangin Joshua in, Israel mite a namnam in hong paipih a,Judah minam kila hi.Judah behte sungpan in Akhan’ kila hi.

Tua ciangin Joshua in Akhan’ kiangah, “Ka tapa aw Isreal Topa Pasian Minthang sak in la,amah phat in tu-in na gamtatna sate kei tungah hong gen inla, bangmah hong im kei in.” a ci hi. Akhan’ in, “A taktak in, Israel Topa Pasian tungah ka khial khin a,hi bangin ka gamta kha hi.Shinar panin vankia ka lak puanhoih khat le ngun shekel zanih agik, le shekel sawmnga agik kham tawnkhat ka muh ciangin Tua te iplah in ka lakha hi.Tu-in tua te ka puanbuk sung leilak ah a ngùn te anuai-ah om in kisel hi. a ci hi.(Joshua 7:20-21)

 Amau te in puanbuk panin tua te lakhia in Joshua le Isreal mite mai ah hong paipih uh a, tua ciangin amau te in Topa mai-ah a koih uh hi.

Tua ciangin Isreal mite in Akhan’ le a innkuan pih te le a neihsa khempeuh suang tawh deng lum in mei tawh ahal uh hi.

Tua ciangin amaute in tuni donga aom suang honpi ama tungah a ciang uh hi.Tua ciangin Topa’ hehluatna a dai hi.Tua ahih ciangin tu dongin tua mun pen Akhor kuam,kici hi.

Isreal mite in Pasian thumang in Jericho zo uh a, ahi zong in mikhat in Pasian thu a manloh manin Ai khua pan gallel in ciah uh hi.

1.Akhan’ mawhna bang ahi hiam?

2.Akhan’ khialhna hangin Ai khua asim na vuah bang tuak uh hiam?

3.Bangdanin  Akhan’ mikhial ahih lam Joshua in thei hiam?