THE ISRAELITES FOLLOW GOD

    LESSON 23: THE ISRAELITES FOLLOW GOD  

                    (Gamlakvakna 9:15-23)

 Late 27:1

 Topa, ka khuavak le hong honpa ahi hi.

Kua kihta ding ka hi hiam? 

Topa, kei a dingin munmuanhuai ahi hi. 

Bang laupih ding ka hi hiam?

         Mun gamla pi ah khual nazin ngei hia?Khatvei zong ipai ngei nailoh na mun gamla i pai ciang i tun ding ki ngaklah mahmah hi.Naupang te bangin nu ei tung nailo maw? Pa i tung dek hia? ei bang hun ciang tungding? cih bang dotna tam mahmah hi.

            Israel mite zong atheih ngei nailoh na mun uh Pasian kamciamna gam ah apai dingin  Egypt pan a paikhiat khit zawh uh kum nih bang phakhin ta hi.Amaute'n zong a tun kal ding uh ngaklah mahmah kha ding uh hi.

      Pasian in Israel mite lamlak den hi.Sunin meiipi in lamlak a, zanciang in meikhuam in lam alak den hi.Pasian in a it  mi te lam lak in kem den hi.

      Biakbuk aki dinsak ni-in meii in biakbuk tuam a,nitak a ki pan a zingsang dong meikuang tawh akibangin biakbuk tung sanah a om hi.( Gam 9:15)

   Tua bangin Pasian in a mite lamlakin akem hi.Sunin meii in tuam a, zanin mei tawh a kibang khat in tuam hi.Puanbuk tung san panin meii a kilaktoh khit ciangin Israek mite ding khia uh a, meii a kiphuhna munah Istael mite in giahphual a sat uh hi.

         Topa in thu apiak ciangin Israel mite ding khia uh a, Topa in thu a piak ciangin amaute in giahphual a sat uh hi.

       A maute mihonpi hi uh a, naupang leh pitek putek zong a om uh hi.Munkhat ah giahphual asat uh ciangin tua munah amaute bang tanvei om ding cih thei khollo uh hi.

       Biakbuk tungah ni tampi sung meii a om khinta zongin Israel mite in Topa' thupiakna zui-in ding khi tuan lo uh hi. Biakbuk tungah ni tawmno sung bek meii om thei zel hi.Tua bang ciangin zong Topa' thupiak bangin giahphual ah amaute tawmno sung mah omin, Topa' thupiak bangin amaute ading khia uh hi.Topa aw ngai in ama lamlah na bangin nakal suanleh nakhial ngeikei ding hi.

     Topa' thupiakna tawh amaute in giahphual sat uh a, Topa' thupiakna mah tawh amaute ding khia uh hi. Topa in Moses a thupiak bangin amaute in Topa' thu a mang uh hi.

       Israel mite in Pasian kamciamna gam tung baih nuam mahmah uh hi tase leh Pasian zia ngakin Pasian lamlah na bangin kalsuan uh hi. Pasian zahtakin amakai pa uh Moses thu zong amang uh hi.

     Tua mah bangin eite zong khat veivei ciang na khat peuhpeuh ngak akul hun om a tua bang hun ciangin Pasian dongin amah ap in ama zia le tong bang in igamtat ding a hi hi.