LESSON 25: BALAAM AND THE DONKEY
( Gam 22 )
Pasian in na khempeuh thei,mun khempeuh ah om.
Kamngah:
Paunak 15:3
Topa’ mit in mun khempeuh mu a, misia, mipha, hong en cik hi.
Mi khatpeuhin nakhat hongsawl ding Tua pen nang hoihlo hi cih na theih khat hi leh bang na cih tam?
Na sia te ahih kei leh na nu na pa ahi zong a hoihlo a manlo khat hong sawlleh? Na sem dia?
Kumpi pa in Pasian deihloh khat semdingin hongsawl leh e bang na cih tam?
Tuni a isin ding in Pasian deihloh thu khat kumpi pa in mikhat tungah sawl.Tua in bang ahi tam?
Moses makai in Israel mite Egypt pan Canaan a pai uh hi.
Banghang hiam cihleh Israel mite Egypt ah mite nasem(sal) in a om ding uh Pasian in deihlo in amau te i luah ding Canaan gam ah a paikhiat pih a hi hi.
Tua bangin a pai laitak un Moab gam nai atun uhhi. Moab mite in Israel mite Pasian in a ompih na thei uh ahih manin kihta mahmah uh hi.Tua laitak in Moab kumpi asem Balak in, “ Hih mihon te in kei le ka mipil teng hong that in kagam uh hong luah kha dinghi.” Ci-in lung hi mawh mahmah hi.
Nang e Moses le Israel miten Moab gam laksak in na um hia?
Moses le Israel miten Canaan gam manawh a pai uh hi a, Moab gam a nawk bek ahi hi.A mai te in tua gam nawngkai sak ding sawmli uh hi.
Ahi zongin Kumpi Balak lung himawh in Balaam akici kamsang pa kiangah kamtai te sawlin, “Balaam aw, Israel mite in Moab gam hongsut kha ding uh ahih manin hong samsiat sakin,” a ci uh hi.
Balaam in kumpi pa thu mangin Israel mi te samsia in na um uh hia?
Balaam in tuzan ka innah hong giakphot un Topan kei tungah hong gen bangin zingsang ciangin note tungah kong gen ding hi,” a ci hi.
Azan ciangin Topa in Balaam kiangah, “amaute na zui kei ding hi.Tua Israel mite thupha akipia a hih manin na samsia kei ding hi.” a ci hi.
Zingsang ciangin Balaam tho a kumpi pa kamtai te kiangah, “ na gam uh ah ciah un, Banghang hiam cih leh Topa in note kong zuih ding hong phallo hi,” a ci hi.
Tua ciangin kumpi pa in tua thu azak ciangin azahtak huai zaw ulian te khatvei a sawl kik hi.A maute zong Balaam kiangah pai in a ma kiangah, “kei kiangah nong paiding kikol-awksak kei in ; minphatna lianpi nang kong pia ding a,nong gen bang in ka gamta ding hi.” ci hi. ci-in agen uh hi.
Balaam in, “ Balak inn kham le ngun tawh aki dim a ma inn hong pia ahi zongin Topa ka Pasian cih teng longal bangmah ka hih thei kei hi.Tu-in Topa in kei tungah bang hong gending hiam cih ka theih na dingin tuzan zong hi lai-ah giakphot un,” ci-in adong hi.
Tua zan in Pasian in Balaam kiangah, “Nangmah ấm dingin mite hongpai ahih leh, tho inla a maute zui in. Ahih hangin nang kong sawl tengbek na hih ding hi.” a ci hi.
Zingsang ciangin Balaam tho in a la tutphah vawh in Moab ulian te a zui hi.
A la tawh hongpai laitak in lampi ah Topa vantungmi in na pang hi.Tua vantungmi in na sau tawi in ading a la in mu ahih manin lampi panin pialin gamlak ah apai hi.Balaam in tua vantungmi mulo hi.
Banghang la in tua bang in gamlak ah pai a hi tam?Banghang hiam cih leh alampi ah vantungmi namsau tawi sa a ding mu hi ven.
Balaam in lampi ah apai kik na dingin a la a sat hi.
Tua ciangin lenggui lo kikal apang tuak ah Phung a omna lam neu khat ah vantungmi na ding leuleu hi.A la in mu ahih manin phung nek a phungah akhe kinengcip a hih manin Balaam in a la asat kik hi.Tua ciangin lampi neu mahmah khatah vantungmi na ding kik hi.
Athum vei na hita la in tu a na ah bang a cih tam?
Tu a na ah, La in vantungmi a muh ciangin ala lumsuk hi.Balaam heh mahmah a, aciangkhut tawh a la asat at hi.
Tua ciangin Topa in la pau thei sak a, “ Thumvei dong nongsat na ding nang bang hong cih ka hi hiam? Na Khan tawnin tuni ciang dong na tuan na là hilo ka hi hiam?”a ci hi.
Tu in Pasian in Balaam mitte honsak in,amah in zong Topa vang tungmi mu ahih manin alu kun in aboksuk hi.Topa vantungmi in ama kiangah, “na la sat nawn kei in,Tu in mite zui in; Balak tawh na kimuh ciangin kongsawl teng bek gen in,” a ci hi.
Tua ciangin Balak in Balaam amuh ciangin, “ Bang hangin kong sap masak lai in hong pai lo na hi hiam?” A cih ciangin Balaam in, “ từ in hi lai ah om hilo ka hi hiam?a hi zongin Pasian hong gente bek kong gen thei ding hi,” a ci hi.
Kumpi Balak in “Israel mite hong samsiat sak in,”a ci hi.
A hih hangin Balaam in samsia lo in thupha apia hi. Tua ciangin kumpi pa heh mahmah a, “bang hangin hih mite samsia lo in thupha pia zawsop na hi hiam?Ta ahih manin nang tungah piak dingin kong kamciam khempeuh kong pia kei ding hi,” a ci hi.
Balaam in, “ Pasian hong gen tengbek ka hih thei ding hi.ci-in hong gen khin hilo ka hi hiam?acih khit ciangin Balaam a ciangin kumpi pa zong a ciah hi.
Balaam gamtat zia man nasa hiam?
Balaam in kumpipa sawlna mang pah lo in Pasian aw ngại in Pasian deih bangin gamta zaw hi.Ei te in zong I nu i pa te sia siamah te thu hong uk kumpi te thu i manding hi a, ahi zongin Pasian deihna tawh aki tuak mah hiam ci-in Pasian aw i ngaih masak ding a hi hi.
0 Comments