LESSON 17: HOIHNA IN GUPNA HONGPIA ZOLO
(Johan 3:121)
Johan 3:16
Pasian in leitung mite hong it mahmah ahih manin ama Tapa a um mikhempeuh si nawnlo in ahin tawntung theih nadingun a Tapa neihsun a hongpiak dongin a hong itna ahong lak hi.
Naungek suaktung te na muhngei hiam?Naungek te pen lampai thei nailo, pau thei nailo ahi na?A maupen tua te khempeuh ahih theih nang asintoh uh kul.
Tu ni pen Zeisu in kei hong zuinuamte in a lui na khempeuh nusia in a thak nuntakna ah a nuntak uh kul na khempeuh athak asin uh kul cih agen na sinding hi hang.
Nung lam a isin sa ahi Johan thu na ngaihsun lai uh hia?Johan in note hong honkhia ding Messiah hong paiding hi ci a agengen.
Zeisu le anungzuite mun khat pan munkhatah pai kawikawi in Zeisu in thugen in,na lamdang tampi zong piang hi.Mi te-in hih mipa milamdang hi midangte tawh kibang lo in mituampian hi. “Mi khat peuhpeuh Pasian in ompih lo hi leh hih na lamdangte kuamah in bawltheilo ding hi.” ci-in ngahsun uh hi.
Tua bang a angaihsun te lak ah Nikodemas akici Jew mi ulian khat om a , amah pen Farisi a kici mite pawl a hi hi.Farisi aki ci te pen Laisiangtho le thukham hilh in amau leh amau thuman a ki sa mahmah te ahi uh hi.
Tua ahih manin Farisi te in Zeisu thugen deihlo in ngainuamlo uh hi.Ahi zongin Nikodemas in Zeisu thuthei nuamhi.Amah pen biakna makai khat a hi hi.
Khatvei khuamial khit ciangin Nikodemas Zeisu kiangah va pai a, analamdang bawlte le a thugen te hangin “ Sia aw nang pen Pasian hong sawl siapa na hihna ka hong thei hi.” a ci hi.
Zeisu in mikhempeuh vantunggam a tunnop lam uh thei hi.Amahin a nalamdang bawl te thugen lo-in, “Amantak in kong genin-ah mi khatpeuh a suah kik kei leh Pasian uk na sungah lut theilo ding hi,” aci hi.
Nikodemas biakna makai khat le mite thu ahilhhilh khat ahih hangin Zeisu thugen theithei lo in a lưng a mang in lamdang sa mahmah a, “ Mikhat a teek khit ciangin bang cih suahkik ding ahi hiam?a nu sungah lutkik in suak kik thei ding ahi hiam?ci-in adong hi. Zeisu in bang acih nop na ahi tam?
Tua ciangin Zeisu in tel gen a, “ mikhat peuh tui le kha Siangtho tawh a suah kik kei leh Pasian ukna sungah lut theilo ding hi.Mi khempeuh in tui sungah kiphumna thei a ahizongin Kha Siangtho sungah suahkik na tel lo uh hi.
“Mihing (nu le pa) sungpan asuakte mihing hi a, Kha tawh a suakte kha mi a hihi.Kha siangtho pen huih tawh kibang hi. Huih koi pan hongnung a koi lai ah nung ahi hiam cih kua mah in theilo hi.ahi zong in huih min lam i thei hi.Tua mah bangin Kuamah in khasiangtho mungei lo hi.A hi zongin mihing te gamtat na tawh asungah kha siangtho teeng hi cih i mu thei hi.
Suakkik i cih ciangin nuntakna thak Zeisu kei tanga si -in nithum ni in tho kik hi cih un in Pa ,Tapa ,Khasiangtho tawh nuntak khipna a hi hi.
Zeisu in ,thuciam lui sungah Moses in gamlak mualtungah dalgul khai in tua gul a ente dam hi.
Mihing tapa zong hong kikhak ding a,a mah a um mi khempeuh ningtawng ding hi. a ci hi.Zeisu in mailam ama tunga thupiang ding a gen a hi hi.Pasian in nang hong it luat manin a Tapa neihsun nang hong hon khia dingin hong piak a hi hi.(Johan 3:16)
leitung mi khempeuh in Zeisu um in nungtak tawngtung na angah dingin deih a, Pasian nang tawh vantung ah mang khawm nuamhi.
Zeisu pen Pasian Tapa hi a,a zing mahmah lengtung ah khuavak hong taangsak hi.
0 Comments