JESUS CALL MATTHEW

 Lesson 18:JESUS CALL MATTHEW

                    ( Matthew 9:9-13)

              Mawhnei te azong Zeisu 

Johan 3:17

Pasian in leitung ah a Tapa hong sawl na pen mawhsakna thukhen dingin a hong paisak hilo in, leitung mite ahonkhia dingin a hong paisak hi zaw hi.

  Khat veivei ciang kuaman hong ngai kei kuaman hong it kei na ci kha hiam?Sang khawngah e kuamah ngaihloh ki khol pih  noploh mi na mu ngei hiam?

Tuni a isin ding pen tua bang a kuama ngaihloh kuama thusim loh te zongin a kikholh pih lawmhoih Zeisu thu sin ding hi hang.

   I thei sa tahi Zeisu nalamdang tuamtuam te leh mite mawhna a mai sakna te hangin biakna makai te in Zeisu deihlo uh hi.

Nang e Zeisu in na mawhna te hong maisak thei in na um hia?

     Khatvei Zeisu in Matthew kici Siahdong mikhat a zum ah a tu mu hi.Siahdong te pen kumpi ading siahdong hi uh a, a mau te in kumpi cih zahsang atam zaw dong uh hi.Tua a valteng a mai bangcih? Kua pia ahi tam?

     Tua aval tengpen amau adingin kem uh ahih manin kua mah in siahdong te itlo in mudah uh hi.Banghang cihleh a mawhna uh hangin a ki pampaih mite a hi uh hi.

     Zeisu in Matthew amuh ciangin akiangah pai in, “Matthew ka nung hongzui in”a ci hi.Matthew zong dingin a nasep teng nusia in Zeisu azui hi.Matthew in sum le nakhempeuh sangin Zeisu athupit zawk lam thei ahih manin Zeisu zuihding akhentat a hihi.

      Tua nitak in Matthew inn ah Zeisu le a nung zuite in an ane uh hi.Matthew in adang siahdongte le mawhnei te zong anne dingin a sam hi.

     Tua ciangin biakna makai te in Zeisu hih mawhnei te tawh anne khawm ahi hiam?a cih uh ciangin Zeisu in, “ Cidam te in siavuan kisam lo uh a, cina mite bek in kisam uh hi.” a ci hi.

   Zeisu in bang acihnop na a tam?

     Zeisu in mawhneite azong ding le a honkhia ding in ahongpai ahih na thukham hilh siate thei dingin agennuam a hi hi.Siahdong te le mawhnei te in Zeisu in amawhna uh a maisak ding kisam in lunggulh uh a hih manin tua bangin a om uh a hi hi.Zeisu in amau te it mahmah hi.

     A hi zongin biakna makai te in amau le amau man kisa in mawh neilo in kingaihsun uh ahih manin Zeisu in mawhnei le ading in hong pai ahih manin ei Zeisu kisam kei mawhna nei kei hang a ci uh hi.

      Rom 3:23 Mi khempeuh mawh ciat uh a, a hong honkhia Pasian tawh kigamla uh hi. ci-in ki at hi.Tua hangin Zeisu leitung ah hongpai in i mawhna pan hong hotkhiat na dingin singlamteh tung ah hongsi in a nithum ni in hong tho kik hi.

   Zeisu in Matthew mawhna maisak ding akisap lam thei hi.Tua mah bangin nang le kei mawhna zong hong kimaisak ding kisam hi.Matthew tua akipan Zeisu nung zui sawmle nih te lak ah khat in kihel a Laisiangtho Matthew zong a at pa ahi hi.Matthew mahbangin eite zong i nuntak sung Zeisu nung zui in, ama na semin mawhnei te tung ah mite tung ah Zeisu it le mawhna amaisak Pa ahih na te genin a ma adingin i nuntak ding a hihi.

1.Zeisu in siahdong kimlai a nungzui ding a asap kua hiam?

2.Siahdong icih te kua te hiam?

3.Matthew in a innah anne ding in kua te sam hiam?