BIAKINN SIANSAKNA

LESSON 16: MAWHNEI TE A IT ZEISU

                       (Matthai 21:12-17)

Sinsaknop: Zeisu in hong it tawntung a, amah azuan te adamsak hi.

  Rom 10:13

… “Topa tungah huh na angen khempeuhte in hotkhiatna angah ding uh hi.”..

Zeisu le a nungzui te Jerusalem khua-ah apai uh hi.Leitungah Zeisu nalianpi sem ding a hongpai  ahihi. Tua asepding nalianpi bang hiam? Kuanthei lai?Amah tawh vantungah i om khop theih nang lampi bawl dinga hong pai ahi hi.Amah eite mawhna tangin singlamteh tung sihna hong thuak in a nithum ni in hong thơ kik hi.

Jerusalem a tun uh ciangin apai masak penpen na mun koi teng hi-in na um uh a? biakinn ah hong pai masa uh hi.Zeisu in mipi te tawh Pasian phat khawmin Laisiangtho sim in Pasian thu te sin khawm ding ut in hong pai uh hi.

Biakinn atun uh ciangin banghih bang ahih masa pen tam?miten biakinn ah bawng, tuu le kawl vakhu zuak te a mu uh hi.Sum bek tawh nabuai uh  Pasian biakpiakna sang sum le a mau metnang uh tawh na buai, mun dang pan Pasian bia ding a ong pai te tungpan a met na dok uh hi.

Zeisu in tua te amuh ciang bang angaihsun tam? Zeisu heh mahmah in aganhing te uh hawlkhiat sak,asabuai te uh sawnpaih sak hi.

Banghang Zeisu in tua bangin hih ahi tam? Aman biakinn pen Pasian biakna ding thunget nading Pasian thu te sin nading cih thei hi.

Zeisu in hi bang ahih na in mawhna abawl hilo hi.Aman mawhna nei lo hi.Hi bang a biakinn azat manun Pasian lungkim saklo hi cih hong lakkhia a hi hi.

Zeisu in mipi te kiangah, “Laisiangtho sungah,Ka inn pen thungetna inn kici ding hi, a ci napi-in note in guktak na phualpi na suaksak uh hi.” (Matthai 21:13) a ci-in thu ahih hi.Tua ciangin mite in Zeisu thugen zaknop sa mahmah uh a,Biakinn sungah mittaw te le khelbai te hong pai-in Zeisu in amau te adamsak hi.Zeisu in mite it mahmah ahih manin amah azuan te thupha pia in adamsak hi.

 Tua teng a om Jew ulian te pawlkhat in Zeisu thugen deihlo uh a,a mawhna ding a zong uh hi.

Pasian thu tam pipi i sinding thupi mahmah hi. Pasian thu tampi thei leng i gamtat zia ding thei in ahoih aman in i gamta thei ding hi.