THE SON FOR ZECHARIAH

 Lesson:12 THE SON FOR ZECHARIAH 

                      ( Luke 1:5-25)

Theisaknop:Mi hoih le mi diktat nuntakna nei ding

Paunak 15:29

        Topa in midik te thungetna ngai  a, migilote thungetna thudon lo hi.

   Khat  vei Zechariah aki ci siampi khat om amah in Elizabeth minnei zi khat nei hi.Anih tuak un Pasian muhna ah aman in agamta tuak uh hi.Ahi zongin amau te in ta neilo uh a, anih tuak un zong a teekta uh hi.

       Zechariah siampi ahih mah bangin ni khat ama pawlte sep hun ahih manin amah in Siampi nasep asem hi.

      Siampi te hih ngeizel bangin biakna tau tungah paknamtui kua in hal ding ci-in ai akisan ciangin Zechariah in angah hi.

        Tua ciangin Zechariah zong biakinn sungah lut in paaknamtui ahal laitak in, Topa vantungmi khat hong kilang hi. 

Zechariah in lamdang sa in lau mahmah hi. Vantungmi in lau kei in ama kiangah lau kei in.Pasian in na thungetna hong zakhin a,na zi Elizabeth in tapa khat a nei ding hi.A min dingin Johan na phuak ding hi. Asuah phet a kipan ỉn khasiangtho tawh kidim ding hi.Amah in Israel mi tampi tak amau Topa Pasian kiangah tunpih kik ding hi,”a ci hi.

A hi zongin Zechariah in, “Hih na thugen aman na bangci theih ding ka hi hiam?Kei ka teek ta a, ka zi zong lah a teek mahmah a hi hi.”a ci hi.Tua ciangin vantungmi in, “kei pen Pasian na asem Gabriel ka hi hi. Ahong tungding ka thugen a hun lai in umlo na hih manin nangma tungah kong thugen a tung matengin pau theilo in na om ding hi.” a ci hi.

Tua hun sungteng apua lam ah mihon te in na ngak uh a Zechariah biakinn sungah sawtvei pi tak om ahih manin lamdang asa uh hi.

Amah hong pusuah ciangin pau theilo ahih manin biakinn sungah maangmu hi a ci uh hi.Pau theilo ahih manin akhut tawh lim alak hi.

Tua zawh asawtlo in azi Elizabeth gai-in kha nga sung inn pan pusuak khia lo hi.Elizabeth lungdam mahmah in, “ tu petpet in Topa in Kei hong huh a,mi lakah ka mai zum na teng hong paihkhiat sak ta hi,”a ci hi.

Midik te thungetna hunkhat ciangin Pasian in pia teitei hi.

1.Banghang Zechariah in ta neilo hiam?

2.Vantungmi Zechariah kiangah bang thugen hiam?

3.Zechariah in vantungmi gen a up loh ciang a matungah bang piang hiam?

4.Banghang Pasian in Zechariah tungah lungdam nathu gen dingin vantungmi sawl ahi tam?