THE BIRTH OF JOHN

    LESSON :13  THE BIRTH OF JOHN

                                ( Luke 1:57-80)

 Sinsaknop :Pasian in  ngimna lianpi nei a hong bawl hi.Mi manpha hi teh.

Late 138:8

Topa in kei ading in a ngaihsut te hong tungsak ding hi.Topa aw na itna kịp tawntung hi.Na sepna na maban hong tun ta in.

   Mi khempeuh Pasian bawlsa hi a,nang le kei I pian ma pek in Pasian in hong teel sa te i hi hi.Pasian in abawl khempeuh ngimna nei in bawl a, bawl khial ngei lo hi.Tua a hih man in nang pen mi thupi mahmah  hi teh.

Tu ni a i sinding a hih leh nidang lai a Pasian in ngimna lianpi tawh apiansak mikhat thu sinding hi hang.

Nung a i sin na ah Zechariah in Rebekah min nei zi khat nei a, amau te pen Pasian thumang in Pasian zahtak in ahoih a gamta siampi nam te a hi uh hi.A mau te teek uh a ahi zongin ta neilo uh hi.Pasian vantung mi in Zechariah kiangah ta na nei ding hi. acih ciangin amah in lamdang sa in hi thei mawk ding ahi hiam? A cih ciang in tua vantungmi in Zechariah kiangah, “na uploh man in hih ka thugen a tun ma dong na pau thei kei ding hi.” a ci hi.Tua mah bangin Zechariah pau theilo hi.

Vantungmi gen bangin Elizabeth gai hi.Asuah hun hong tung ta a,tapa khat hong nei hi.Topa in amah a hehpih mahmah na thu azak uh ciangin a vengte leh a behte khempeuh in a lungdam pih uh hi.naungek minding in a pa min mah Zechariah phuah asawm uh hi. Ahi zongin Elizabeth in, “hilo ding hi ama min dingin Johan i phuak ding hi”a ci hi.A maute in lamdang sa in na beh sung uh ah hibang min omlo hi.”a ci uh hi.

Tua ciangin hih nau min bangphuak ding i hi hiam? ci-in Zechariah kiangah lim tawh adong uh hi.

Zechariah in zong laidal khat ngen a,tua tungah “ ama min Johan hi ding hi” ci-in agelh ciangin amau te khempeuh in lamdang asa mahmah uh hi.

Tua laitak in Zechariah hong pauthei kik a,Pasian aphat hi.Hih thupiang a mu aza khempeuh in lamdang sa in a lau uh hi.

Judea gamsung khempeuh ah hih thu ki thehthang hi.Hih thu aza mi khempeuh in “hih naungek a bangci mi hong hi ding hiam ?” ci in a lungsim sung uh ah a ngaihsun ciat uh hi.

Tua ciangin Zechariah Kha siangtho tawh kidim in Pasian thu gen a, “ Israel mite Topa Pasian phat ciat ni. Ami te ahuh dingin hong pai-in amaute asuakta sak hi.Anasem pa David’ suan te sung panin eite ading vanglian Honpa hongpia hi.Amah in tanglai -in a kamsang Mi siangtho te tungtawnin thu hong gen a, “ igalte kiang panin hong hotkhiat nading le hong mudante khutsung panin hong hotkhiat nading thu a hong ciam hi.” a ci hi.(Luka 1:67-71)

*Pasian in Johan pen ngimna lianpi eite hong gumkhia ding Messiah Zeisu pai nang lampi asial ( abawl khol) ding a, asawm a hihi.

Tua mahbang in eite khatciat zong Pasian in ngimna nei na hong bawl hi.Pasian gelna sungah nungta in Pasian phatin ama deihna bang a i nuntak ding a hi hi.Pasian tungah lungdam theilo in Amah i phat theihkei leh i upna Zeisu tungah aki nga nailo i hi ding hi.

Zeisu pen mihing bangin leitung ah naungek in hong suak a,mawhna nei hetlo in hong khangkhia hi.Johan in Zeisu (messiah) hong pai ding gen khol in lam sial khol a, ahi zong in amau te in Zeisu pen Pasian Tapa mi khempeuh numei pasal naupang avekin i mawh a pan hong honkhia ding a hongpai Messiah a hih lam theilo in na um lo uh hi.Singlamteh tungah that in a hi zong in Zeisu gualzawh na tawh a nithum ni-in hong tho kik hi.

Tua Zeisu in eite mawhna khempeuh hong lakkhiat sak khin zo ahih manin eite a suakta te i hi ta hi. Tua ahih manin Pasian phatin a matungah lungdam in tua lungdam na thu midangte tung ah I hopsawn ding Pasian in hong deih hi.

Ama mai ah eite pen paubaan na a neilo misiangtho te ahi ding le Khrih hangin ama mite ahi dingin leitung apianma pek nangawnin Pasian in ahong teelsa i hi hi.   ( Efesa 1:4)

Eite ahong bawlpa pen Pasian hi a, Zeisu Khrih tawh iki pawl ciangin i nuntakna ah gamtat hoih anei dingin a hong bawl i hi hi. Hih pen eite omzia dingin a na ngaihsut kholhsa a hi hi.(Efesa 2:10)