GUALZAWHNA TAWH JERUSALEM LUTNA

   GUALZAWHNA TAWH JERUSALEM AH LUTNA

                   ( Matthai 21:1-11, Luke 19:28-40)

Sinsaknop: Jesuh hongpai baih ding kinging sa in om in( you need to be ready)

Matthai24:44

Tua ahih manin mihing tapa zong note upmawh loh hun laitak in hong pai ding ahih manin note zong na ki ging tawntung ta un.

*Kumpi te pen kua tawh kibang,Ama nasep bang hiam?

Jesuh thu nathei lai uh hia?Ama nalamdang bawl te e!cina te damsak, misi te thosak atuam tuam nalamdang tampi bawl vantung ki ukna le Pasian hong itna thu te gen a hi na?Tu-in zong amah khuapi lian mahmah ahi Jerusalem ah pai na thu gen ding hi hang.

Jesuh pen kumpi dangte tawh kibanglo aman inn hoih gol pipi galkap tampi cihbang neilo.

Jerusalem khuanai Bethfage khua,a omna Olive mual atun uh ciangin Jesuh in a nungzuite nih ma sawl a, “ mai-a om khua-ah và pai un.Akhua sung nalut uh ciangin kua mah a Tuan ngei nai lohna lano khat khau a kikhih na mu ding uh hi.A khau sut unla hih lai ah hong kai uh.Mi khatpeuh in hong dot leh “Topa in deih hi.” ci-in dawng un.”a ci hi.

Tua mah bangin anung zui te nih zong pai uh a Jesus gen bangin lano a mu uh hi.Amau te in akhau sut in kai uh a, a nei pa in “ bang hangin tua lano la na hi uh hiam?” ci-in a dot ciangin amau te in, Jesus vaikhak bangin, “ Topa in deih hi.” ci-in a paipih uh hi.

Tua pen apiangkha pak( accident) hilo.Hih pen tuma kum tampi lai kamsang pa thugen na atangtun nang a piang ahi hi.(Matthai 21:5) 

Jesus kiang atun uh ciangin apuan uh suahin a lano tungah phah in Jesus tuang sak in a pai pih uh hi. Kumpi takpi sakol hoih te tungah tuang lo-in la tungah tuangin hong pai hi. Tua ala zong ama a hilo in a kawm tawm hi lai hi.

Mi hon tampi te in ama pai nading lampi-ah apuan te uh phah uh a, adang te in nisuh hiangte sat in lampi ah a naphah uh hi.Banghang hiam cih leh lampi ah leivui dim ahih man in apuan te uh le nisuh hiang te phah in Jesuh tungah lei vui a bạn loh na dingin zahtakna le thupi bawlna in tua bangin a hih uh a hi hi.

Mihon te-in, “ David suan Jesus in phatna ngah ta hen!Topa min tawh hongpai Pa in thupha ngah ta hen!Asangpen a om Pasian in phatna ngah ta hẹn!ci-in a awng ziahziah uh hi.Jerusalem khuasung a tun uh ciangin khua sung mi khempeuh gamlum henhan uh a, “ Hih pa kua ahi hiam?” a ci uh hi.  Mi hon te in, “Galilee gam Nazareth khua pana kamsang Jesus hi.” a ci uh hi.Mite in Jesuh thu za uh a,ahih zongin mungeilo uh ahih manin  amah munuam uh hi. Ahi zongin amau te in Jesuh Pasian Tapa eite hong gumkhia ding a hong pai ahih lam theilo in kamsang khat hi ci uh hi.Tua in Jesuh dah sak hi.

Tua laitak in mi honpi lak panin Farisi mi pawlkhat in Jesuh kiangah, “ sia aw, hih bangin a awng na nung hong zuite kham in,” a cih ciangin Jesuh in, “Ken kong cih in ah hih mite in hong phat lo-in khawl ta le-uh zong, hih lamdung a suangte in phatin awng veve ding hi,”ci-in a dawng hi. 

Tu-in zong Jesuh hongpai kik ding angak i hihi.

Laisiangtho sungah Jesuh hong pai kik ding hi. ci hi.Tua hun ciangin la tungtuang in hong paiding hilo in vangliatna tawh meii tungah hong kumsuk ding ahi hi. wow!  tua pen bangzah tak a etlawm ding.

Jesuh vangliat na tawh hongpai kik ciangin ama daihna nopsakna kumpi gam ah a om dingin  Jesuh uma, ama nung azui te hong lading hi.Tua ahih manin Jesuh hong paikik ding ngak in kiging sa a i om ding ahihi.