LESSON 9:
FARO MAI-AH MOSES LE AARON
(Pai 5:1-23)
Sinsaknop: Pasian zia ngak in lungkim tak in sepding te sem in làm et na le Pasian muangna tawh nungta ding.
Kolose 3:23
Mite nasem bangin kingaihsun lo-in Pasian nasem bangin kingaihsun unla, nasep peuhpeuh uh lungsim takpi tawh lawp in sem un.
Nung a igen ban Moses pen tuucing a a om laitak sawlbawk kuang khat mu-in lamdang sa mahmah ahih man in a gei nai ah va pai hi.
Tua sung pan Pasian hopih na aw, “Moses Moses!” Moses in “ hiah om ing Topa”Tua ciangin Topa in, “ Egypt ah a om ka mi Israel te gimna ka mu khin hi.
Hong pai in nangin Egypt panin ka mi Israel te na paikhiat pih theihna dingin Faro kiangah nang kong sawl dinghi.” a ci hi.Ahih hangin Moses in, “Faro kiangah pai in Egypt pan in Israel mite a paikhiat pih ding in kei in kua ka hi hiam”a ci hi.Topa in, “ Nang tawh kong om taktak ding hi,” a ci hi.
Pasian in Moses tungah tavuan lian mahmah khat pia hi.Nang zong Pasian in tua bang hong ci leh sem zo in na ki um hiam?
Tua ciangin Moses zong kithawi in Egypt ah a pai hi.Moses pen a pau awk ahih man a sanggampa Aaron in ahuh dingin Pasian in a paisak hi.A nih un Faro kiangah hong pai uh a, Israel mite salsuah na pan a paikhiat sak na ding in Faro kiang ah a va ngen uh hi.Faro in bang ci in na um uh a?Israel te in Faro sawl bangin nasem in inngolpi ading leisek bawl in inn a lamsak a hi hi.Tua a nasem te om nawnlo ding paikhia gai ding.Faro in apaikhiat ding uh aphal dia? Upmawh huai kei. Laisiangtho sung ah bang ci en ni maw.
Faro in, “ Ama thu mangin Israel mite ka paisak na dingin Topa na cih uh kua ahih hiam? Topa na cih uh ka theikei hi.Tua thamlo in Israel te ka paisak kei ding hi.” a ci hi.
Faro in anungta Pasian theilo hi ven. Aman bangmah ahih theilo nuntak na neilo Egypt milim bek thei hi ven.Tua ahih manin aman in Israel te paisak lo bek thamlo in a nasep uh haksa sak semsem hi.Faro in nasem ukte kiangah, “hih nasem te leisek bawlna ah buhtu pia nawnkei un. Amau a buhtu dinguh kaikhawm tawmin leisek a bawl ding uh hi.Ahi zongin nidang a abawl zah mah bawl ding uh hi.” a ci hi.
Tua bang teng a panciang Israel tên Moses le Aaron bang aci muh uh tam?lungdam dinga maw? Heh ding?
Israel te pan heh thei mahmah uh! Moses le Aaron hang a,a mau nasep haksa zaw kipia hi ven.Amau Moses thu gen pen um zo nawnlo uh banghang hiam cih leh amau Pasian hih thei na le a vangliat na muang ngam lo uh hi ven.Pasian in a maute thudon in amaugimna a muh gige lam mangngilh uh.Moses mawhsak in phunsan uh hi.
Tua ciangin Moses pai in Pasian kiangah thungen a, “ Topa aw banghangin nangmah in hih mite tungah siatna bawl na hi hiam?Bang hangin Kei hong sawl peuhmah na hi hiam?Bang hanghiam cih leh nangma min suang in Faro kiangah apai akipan, amah in hih mite tungah siatna bawl napi in nangmah in hih mite na honkhia het kei hi,” a ci hi.
Israel miten Egypt mite na asep eons uh ah gim kisa mahmah uh hi. A mau te in Pasian hih theihna muanglo in sila lungsim tawh sem uh a thu anget uh hangin Pasian gelna te tel zolo uh a Moses le Aaron mawhsak uh hi.
1.Israel mite Egypt gampan apai khiatpih dingin kua kisawl hiam?
2.Moses a mah le amah a ki muang hiam?
3.Moses a huh ding in kua ki seh?
4.Pasian sawl bangin Moses Faro kiang apai ciang Faro in Moses nget na aphal hia?
5.Pasian sawl bangin Moses Faro kiang apai khitciang Israel mi ten Moses le Aaron tungah lungdam maw? or heh? Banghang?
0 Comments