PILNA APIA PASIAN

 Lesson:7 GOD GIVES WISDOM 

  JOSEPH IN THONGKIATE’ MANG KHIATSAK

                   (Pian 40:1-23)    

Sinsaknop:Pilna a thupit na.Pasian zahtak ding,Pasian pen pilna hongpia Pa, pilna nak.

Paunak 3:17 

Pilna in nuntak hongnuam sak a, lungmuang takin hong omsak den hi.

En kik na:

Joseph pen asanggam te sangin apa’ itdiak hi. Bang hanghiam cih leh a ngaih mahmah azi Rachel tawh a teknung a aneih a hi hi.Joseph apa’ a itdeuh lam asanggam ten a theih ciangin haza uh hi.

A u te gamsungah tuucingin om uh ahih manin a pa in anguai apuak ding le a vil dingin Joseph asawl hi.

Joseph zong ute tawh kimu ding ci-in lawptak in apai pah hi.

A ute a galmuh ciangin lungdam mahmah hi. A u ten ahih leh “en vo hua lai ah na sanggampa uh hongpai ei amah that ni in ipa kiangah gamsa in na pa ne hi ci- in khem ni”a ki ci uhhi.

Ahih hangin a maute lakah a upen uh a hi Reuben in a mah isanggam hi that kei unla dum sungah khia zaw un a ci hi.A maute in Joseph hong tun ciangin apuan suahkhiat sak in dumsungah a khia uh hi.

Sinding:
Tua khitciang in amaute in agal uhah sumbawl te galmuh uh a i sanggampa zuakin ci leuleu uh a asanggam pa uh ngun shekel sawmnihin a mah azuak uh a, Amaute in Egypt ah Joseph a paipih uh hi.

Egypt a tun uh ciangin Potifar in asila dingin a lei hi. Joseph Pasian in ompih in thupha pia a,Potifar inn ah Joseph a om ciangin Potifar in thupha angah lawh hi.Pasian in ompih ahih manin Potifar maiah maipha a ngah hi.

Tawlkhat khit ciangin a ma mawhna lopi mawhsak na thuak in Potifar’ zi zuau khemna hang in Joseph thong ki kua sak hi.

Khat veivei ciang na mawhloh na pi zong ong ki mawhsak hun om in teh thuak simin Pasian ap in)

A sawtlo in Egypt kumpipa’ anhuan pa le anpia pa zong thongsung ah ong tung uhhi.

Zan khat amau tenih in mangman tuak uh a zingsang ciangin a mang uh ngaihsun in lungkham in a om tuak uhhi.

Joseph in amaute kiangah, “banghang lungkham na hi uh hiam? mangkhiat theihna te Pasian hongpiak hilo ahi hiam? Kei kiangah na mang uh hong gen un.”a ci hi. (Joseph in Pasian a muan dan le na khempeuh a sem thei a hih lam tel mahmah hi.)

Tua ciangin an piapi pa in Joseph kiangah amang gen a, “ka mangin ka mai ah leng gui khat om a, tua lenggui tungah hiang thum a om hi.A sel phetin pakkhia  pah a,a bom te lenggah suakin minpah hi.Ka khutsungah Faro’ hai katawi hi.keimahin leenggahte loin Faro’ hai sungah ka suk a,Faro’ khut tungah a hai kapia hi.” a ci hi.

Tua ciangin Joseph in, “ a khiatna hi bang a hi hi.Ni thum sungin Faro’ in nang hong khahkhia in na za-ah hong koih kik ding hi. Tua hun ciangin Kei hong mangngilh kei in,” a ci hi.

Tua khitciang in an huanpa in zong a mang hong gen a, “ka lu tungah mohlawh thum om a,a lawh tungnung pen sungah an huan sa namkim Faro’ adingin om hi.A hizongin ka lutung a lawhsung panin vasa te in a ne hi.” a ci hi.

Joseph in dawngin, “ A khiatna hibang a hi hi; lawhthum te nithum hi a, tuzawh nithum ciangin Faro’ in nang hong lakhia-in na lu hongtan ding a, singtung khatah nang hongkhai ding hi.vasa te in nasa ne ding uh hi.” a ci hi.

Tua zawh nithum ciangin agen sa bangmah in anhuan pa le anpia pa thong sung panin ki la kha hi.

Tawl khat khat ciangin Joseph zong Pasian piak pilna, mangkhiat theihna,thutheih na hangin thongsungpan kumpi inn dong ah Pasian in a lamsang hi.

Pasian in Joseph a tawn tungin ompih hi.A sanggamte haza in angaih loh laitak, Egypt ah sila in a om laitak, thongsung ah a om laitak a hizongin Pasian mah bel a a um tinten Joseph pen Pasian in maipha pia in pilna kicing zong pia lai hi.

1.Joseph a uten bang hang haza?

2.Joseph kuan lei?

3.Joseph mangkhiat theihna koi pan?

4.Joseph a ma mawhna hang a thong kua maw?