Lesson 8:NA THUMNA HONGZA PASIAN
MOSES GROWS UP
(Pai 1;2:1-25;3:1-10)
Sinsaknop:koi mun koi mun ah na om zongin Pasian in hong mu a, na kiko na aw hong za.Nang hong huh hi.
Paikhiatna 2:24
Pasian in amau thumna za hi.Pasian in Abraham, Isaac, le Jakob tawh a thuciamna a phawk hi.
Tuni i sin ding ahih leh a lunglut huai mahmah leh a lamdang mahmah Moses le Hebru mite thu sin ding hi hang.Nung a i sin na sungah Joseph pen Pasian piak pilna( wisdom) hang a kumpi in hong tungin tua pan amah milian khat hongsuak.Amaugam Canaan ah kial atunciang Joseph innkuan pih te a pa le a ute a vek un Egypt ah hong teeng gai uhhi.
Hun te hong paitoto in Joseph a theilo kumpi khat hong khang ta,Tua Egypt kumpi thak pa in hih i gam ah gam dang mi Hebru mite tamlua ahih manin amau te a tawm theih nangin gimtak in na semsak in gawtbawl ni ci-in nasep haksa semsak hi.
Ahi zongin Pasian in Hebru mite ompih in thupha pia a amau te pung in tam semsem uhhi.
Faro in Israel mite a tam semsem na a muh ciangin nausuak siavuan te kiangah enun hih Israel numei te nấu asuah uhciang pasal a hih leh that un ci-in vaikhak hi.Siamah ten Pasian zahtak uh a hih man in that lo uh hi.Tua ciangin Kumpi pa in Israel mi naupang pasalno kum nih nuaisiah peuhmah that un ci-in thupia hi.
Tua laitakin Israel nupi khat gái in tapa khat hong nei hi.Kumpi ten thei leh that ding ahih manin tua nupi nu in a nau innsung bek ah om pih in sel hi. Ahih zongin tua naungek kha 3 aphak ciangin a Aw zong ngaih ta ahih man in mi theih ding dah mahmah uh hi.Tua ahih man in a nu in pumpeng tawh lawh( basket) khat tui a lut theilo dingin bawl a tua sungah a tapa asial in gun gei ah phai kungte lakah akoih hi.Tua naungek bang ci hiam cih asanggam nu vil hi.( Ngaihsun dih ve naupang khat tua bang a koihding a nu a lưng a noploh ding dan)
Tua laitak in kumpi pa tanu le alawmte gungei ah hong pai uh a amau te in tua naungek mu uh in,kumpi pa tanu in a ta ding in a la in amin Moses aphuak hi.Bang hang hiam cih leh “ tuisung panin amah ka kai khia hi.”a cihna a hi hi.Tua ciangin naungekno i a u nu vapai in kumpipa ta nukiangah hih nau acing ding hong zonsak ning acih kiang in kumpipa tanu in “ va pai in”a ci hi.A mah in a nu sam in a nu in naungek kem hi.
A nu in Pasian thu tawh pantah in a mah Egypt mi ahih loh na le Israel mi a hih na te agen hi.Tua bangin Moses hong khak to hi.
Nikhat Moses ami pih Israel te kiangah vapai in a mai gimna te a mu hi.Egypt mi khat in Israel mi khat a sat zong a va mu hi.Amah khuadak kawikawi a kuamah a muhloh ciangin tua Egypt mipa a that in Sehnel lak ah asem hi.Moses kuaman mulo takpi dingin na um uh hia? Pasian in na khempeuh mu na khempeuh thei.
Azingciang in a mah pai kik leuleu a Israel mi nih a ki tawng a mu hi.Amah in agamta khiat mipa kiangah “banghang na Lawm sat na hiam?” a cih leh Tua pa in “zanni a Egypt mipa na thah bangin kei thah hongsawm na hi hiam?” a ci hi. Tua ciangin Moses in ka thu hong ki thei hi ci-in lau mahmah hi.
Faro in tua thu a theih ciangin Moses thah dingin a zong hi. Moses lau in tai a Midian gam a tung hi.
Tua gam a om Jethro tanu Zipporah tawh kiteng a, tuagam ah om in Jethro tuu te a cing hi.
Tua hun laitak in Egypt gam a Israel mite Pasian nakpi takin ki ko a Egypt gam sal suahna panin a suahtak na ding uh thu a ngen uh hi.Pasian in a maute ki ko na aza hi.
Nikhat Moses tuucing in gamlak ah a om laitakin Horeb kici mual khat a tung hi. Tua mual sawlpang kawm, meikuang sungpan in Topa vantungmi in Moses hopih a, “ Moses Moses!” a ci hi.Moses in “hiah om ing”aci hi.
Tua ciangin meikuang sungpan mah in, Pasian in,“Egypt ah a om ka mite gimna mu khitin Amaute a uk nasem ukte’ hangin amau’ Kiki na kaza khin hi.Amau thuaknate’ ka thei hi.(pai 3:7).
Tu-in en-in,Israel mite kiko na keikiang hong tung khin a,Egypt mite in amau te a netniamna ka mu khin hi.Hong pai in nangin Egypt panin ka mi Israel te na pai khiat pih theihna dingin Faro kiangah nang kong sawl ding hi.” a ci hi.(pai 3:9-10)
1.Pasian gelna lianpi nei a Moses nungta sak.
2.Moses in kuaman’ hong mukei e ci a, agamtat sim hang Pasian in Mun khempeuh mu.
3.Gamla pi a om Israel te kiko na a za Pasian.
4. Pasian kiang kiko a a mah na zuat nakleh nang a ding na vai khempeuh a vaihawm ding Pasian.
5. Aciampel ngeilo Pasian.
0 Comments