PASIAN KAMCIAM

LESSON:3   GOD MAKES PROMISE 

   

                       PASIAN KAMCIAM

                       (Pian 8:1,9:1-17)

Kamngah:

Piancil 9:13

              Meii sungah ka sakhituihup ka kai sak a,tua pen kei le leitung kikal ah thuciamna lim hi ding hi.

Gentehna: khatvei naupangte kiangah na khansung na siansak (clean up)uh leh ki mawlna hong paipih ding tuaciang nadeih uh khattek zong ong leisak ding ice cream zong lei ding ci-in kamciam(promise) ka pia hi.Tua leh a mauzong a khan tek uh siangsak sitset lawp mahmah uh Kei zong ka kamciam bang a hih ding ci ka kithawi leh ka luvai in ding zo nawnlo den a ka gen ka kamciam teng hih thei nawnlo.Tua cianga ken amau kiang zing ciang paini tuni kei ngaplo ci tua ni pen pailo. Azingciang pai ding ci leuleu lawp lua tua kikal vai thupi khat ong om pai thei lo leuleu.Tua ka kamciam pen kenzong  pel nuamlo a hih hang piang theilo den keei. ni tampi khit ciang pai thei pan. Tua leh no e Tua bang na hi ngei uh hia?Mihing ih hih ciang ki Tua ci ngei tham e mete.

Tuni isin ding ahih leh Pasian kamciam  cih sin ding hi hang.Pasian pen ei mihing te dan a, kamciam pel ngeilo, damlo cih bang om ngeilo manlah lua cih zong om lo,

Nung nipi a isin sa Noah in Pasian thumang in teembaw a bawlkhit ciang ganhing te a kopkop a hong pai  uh,

Pasian gen bang lian a Noah le a taten’ amau le ganhing te nek ding nek theih khempeuh a kicing tak a teembaw sung ah koih uh a hi na?

Ganhing te teembaw sungah lut khin a nek dinguh an kicing tak om khin Tua ciang Noah le a innkuan te Noah zi, a ta te Shem, Ham, Jafeth te le a mau te zite mi 8 teembaw sung ah ong lut uh. A mau teng a lutkhit gaih uh ciang Pasian in teembaw kong khak.

Tua bang a Noah te inn kuan in Pasian thumang a teembaw sung a lut khit uh ciang guahzu pah nailo ahih ciang a, a khuapih te a veng ten mihai te innkuan cin nuihsan zahpih teembaw sung ah a lut zawh uh ni1 bei ta guahzu lo ni 2 guahzu nai lo ni 3 meizong kai beklo ni 4,ni 5,ni 6 bangmah ci nai lo!

Ni 7 ni ciang guah ongzu ziahziah ta Tua hun a miten guahzu mu ngeilo lamdang sa uh guah ong tamsemsem leitung ah sun 40 le zan 40 sung guahzu suak,tui te ong khang toto ta,a inn te uh tui in tum ta, 

Amau ten asuahtak nak uh zong in singkung tungkhawng ah kah ahih hang

singkung sangte le mualsang pen na ngawn tui in tum ta,leitung a om mihing ganhing khempeuh tui sungah si mang ta,

Tua tuitungah Noah teembaw lam keukeu, leitung ah Noah te innkuan mihing 8 bek suakta Noah te innkuan lungnuam tak a teembaw sung ah ganhing te anpia a mau lung muang tak a om,

Tua teng khitciang,Pasian in Noah leh a innkuan pih te phawkin Pasian in tui te kiamsak ta ni 150 khitciang tui te kiam ta in, Noah teembaw pen Ararat kici mualtung ah ong ki nga in, Tua zawh tawlkhat khitciang ,

Pasian in Noah kiangah, “ Teembaw sung panin paikhia ta un a cih ciangin Noah le a innkuan te,

Ganhing te teembaw sung a om nuntak na a nei khempeuh teembaw sung pan in hong pusuan khia ta uh hi.

Tuaciangin Noah in Topa ading biakna tau khat lam a, biakna apia hi.Tua a namtui gimnam a zak ciangin, alungsim sungah,  “ mihing’ gamtatna hangin leitang ka samsia kik ngei nawn kei ding hi.”a ci hi.

Pasian in Noah le a tapa te thupha pia a,a maute tungah, “ ping unla, tampi pha-in, leitung dim un.ci-in gamhing khempeuh te tungah uk na nei un a ci hi.

Mi khatpeuh in hong thah le ama tungah sihna dan ka pia ding hi. A Hong that ganhing peuhmah ka that ding a,a mipihte a that mi peuhmah gim ka pia ding hi. Mi a that peuhmahte pen, midangte in amah that ding hi. Bang hang hiam cih leh Pasian in ama lim bangin mi bawl hi.(pian 9:5-6)

“Nuntakna a nei khempeuh, tuiciin tawh susia kik ngei nawn loin,leitung a susia dingin tuiciin ka tungsakkik ngei nawn loh na dingin note tawh ka thuciamna ka kipsak hi,”a ci hi.

Meii sungah ka sakhituihup ka kai sak a, tua pen kei le leitung kikalah thuciamna lim hi ding hi.” a ci hi.

1.Na nu maw na pa maw khat peuhpeuh in kamciam hong pak a , a hi zongin a lam ciam bang ong tangtun loh ciang nuam nasak loh khat ong gen ve.

2.Noah te innkuan in teembaw sung pan apusuah khitciang bang hih masa pen?

3.Tuiciin pan mi bangzah suak ta?

4.Noah teembaw bang mualtung ah ki nga?

5.Pasian in Noah le teembaw sungpan a pusuak khia khempeuh tungah bang kamciam  (promises) pia?

6.Tua Pasian kamciam iphawk na dingin bang lim hong pai?