NOAH IN PASIAN THUMANG
(Pian 6:1-22)
Lesson:2 Obeying God
Kamngah:
1 Peter 3:12
Topa in a thuman mite mu a,amaute’ thu ngetna pia tawntung hi. Ahi zongin a gamtatsia mite Topa in a langbawl hi.
Thuman a thupi na:Gentehna nang cake moh bawl nuam le cin a masa in a kisam van teng na lei masak kul tua ciang kuangsungah mohvul, aktui,sathau le atuamtuam hel dingin hoihtak tok ding naman ciang na moh emnang kuangsungah koih in oven sungah em lian ding in koih sitsit ta tua khit ciang khawlhithiat in moh min ding ngak in le cin tua na moh na ne kha tam?Deih tak a hun tampi bei a na bawl hi ven.A hiang ne kha loding banghang hiam cihleh nang (instructions a vek a zuilo)na oven mei honglo hi ve cin ahaksa teng na hih khit hang abaih mahmah mek ziau ding na mek loh man bek hi zen hi ven pammaih lua.
Tuni a isin ding pen Laisiangtho sung a om Pasian gen danlian amang asem mipa khat thu sin ding hi hang.Tua bang a Pasian thu mang in lungkia lo a,asep na hang a mah leh a innkuan pih ten nuntak na ngah.Kua ahi tam maw?Amah pen Noah kici mipa khat.
Nidang lai pekpek in leitung ah Pasian bawlsa mi ongtam tektek a tua leh Pasian in leitung ensuk in dah mahmah bang hang a hi tam? Bang hanghiam cih leh abawlsa leitung mite a utut un gamta, amau phattuam nang le gual nopna bek ngaihsut in nei uh a,abawl Pa Pasian zong phawklo in leitung sia mahmah hi.Tua te lak ah Pasian a zahtak Noah kici mi hoih khat om hi.Laisiangtho sungah, “Noah in Topa mai pha mu hi.”ci “ Noah a thuman mi hi a,ama khangah pau bang lo hi.Noah pen Pasian tawh kikhawl hi.”(pian 6:8-9)Tua ahih manin Pasian in Noah it mahmah hi. Ahih hangin Pasian in, a ut bang un agamta, siatna bawl ding phamawh asa lo, a ngongtat leitung mite khempeuh leitung pan in phiatsiang ding a ngaihsun hi. Pasian in Noah hopih a, “Mi khempeuh beisak ding ka khentat khin hi.Bang hanghiam cih leh a mau hangin leitung ah ngongtatna dim hi tua hangin leitung tawh Amaute ka susia khawm ding hi.(Pian6:13) Nang le na innkuan pih te nasuahtak na ding un agol mahmah teembaw khat nabawl ding hi ci-in a bawl danding khempeuh bangzah golding,bangtan sangding,bangcia zai ding, bang sing zangding (detailed instructions)tel takin a gen sitset hi. Noah in hoihtak ciamteh in,tua Pasian gen dan lianin a tate gen kik in teembaw bawlding hong kipan pah uh hi.Noah in teembaw mungei nailo hi.A muh ngei nailoh khat bawlding pen mihing lam pan hamsa kha ding hi.
Ahi zongin Noah pen Pasian amuang le Pasian thu mang khat ahih manin aman’ haksa sa lo hi.A tate tawh teembaw bawl nading a kisam sek,hei le singat te la in kipan pah uh hi.Noah in Pasian thu a man mahbangin a taten’ zong a ma thu a mang uh hi.A pata un singphuk in sing at in tawmbaw hong lam uh hi.Tua hun lai in set le mei cih te omlo ahih man in athatang ngiat uhtawh hun sawtpi sung sem uh hi.Lungkia hetlo in Pasian gendan lian in azawh madong uh asem uh hi. 
Teembaw pi azawh uh ciangin sapkul lo in ganhing namkim a kopkop in hong pai hi.
Pasian in Noah kiangah, “Aki ne an nam khempeuh zong la inla khol in.”a ci hi.Noah zong tua bangmah in gamta a,Pasian thu piak khempeuh a hih hi.Pasian in nang zong Noah bang a,thuman tak le citak a Pasian thu a mang dingin hong lam en hi.
I Laisiangtho kam ngah en kik leng Pasian in athuman mite mu a amaute thungetna pia tawntung hi.A hizongin a gamtat sia mite Pasian in lang bawl hi.
1.Banghang Pasian dah hiam?leitung mite gamtat siatna hang.
2.Pasian maipha ngah mihoih khat om a min bang?(Noah)
3.Banghang Pasian in Noah teembaw bawl a sawl ai tam?
4.Noah in Pasian thu a mang na?Pasian cih dan lian in a sem na?
5.Nang e leh na nu napa te thu namang hia? Amau ong sawl danlian nasep ngei khat ong gen dih?
6.Na nu ong sawl danlian nasep loh a om leh ong gen ve?
7.Nang sep zawhloh ding ong kisawl a om ngei na?
8.Pasian deihna bang sem na kisak khat ong gen o?
9.Noah tangthu bang laibu sung ah om?
10.Noah tangthu Laisiangtho bang mun ah om?
0 Comments