CAIN LE ABEL

                                

LESSON:1 OFFERING

                                 CAIN  LE ABEL 

                             ( Piancil 4:1-16)    

BIAKPIAKNA

(nang tung pan a hoih pen ong lam en Pasian)

2Korin 9:7(b)

Pasian in lungkim tak a a pia mite bek a pakta hi.

Adam le Eve te Eden huan pan aki paikhat sak khitciang tapa nih nei uh a, a u zaw Cain ci-in a nau zaw Abel a ci uh hi. 

Cain hong khangin lokho a, Abel hong khangin tuu cingpa a hihi.

Tua ciangin Cain in ama lokhawhna  pan a piang ante pawlkhat Topa kiangah paipih in biakpiak na a pia hi.A hih hangin Topa in Cain biakpiakna sang lo hi.

Banghang Cain biakpiakna kisang lo a hi tam?Nang bang ci ngaih sut?

Abel in zong tuuhon sung pan, a piang masate le alimci te paipih in biakpiakna pia a, Topa in Abel biakpiakna asang hi.

Bang hang Abel a kisang hi ding?

Cain in lopan a piang gah le teh te apiak man a kisang lo maw?

Abel in tuuno a piak man a kisang maw?

(Mi khatpeuhin a lungsim sunga piak dingin a sehsa bangin pia tahen. It pipi le piak loh phamawh hi cihna tawh pia kei hen.Bang hanghiam cih leh Pasian in lungkim tak a a pia mite bek a pakta hi. 2Korin CTD)

Bang hanghiam cihleh Cain in asepsa lakpan kimkhat la in pia hi.Ngeina khat bang a pia zong hi thei,ki Lawm sak na ciangtawh pia zong hi thei,piak loh phamawh cih tawh Apia zong hi thei. 

Ahi zongin  Abel in a tuuhon lakpan asuak masa pen le a thau pen alimci pen teng in, piak nop na lungsim tawh thupi tak in pia hi.

Eite zong Pasian in lungsim takpi tawh lungkim tak a ahoih pen tawh i biakding pahtawi ding hong deih hi.

Tua bangin Cain biakpiakna kisang lo in Abel a bek a kisan ciangin Cain nakpi takin heh in a maisia hi. Tua ciangin Topa in, “ Nang banghangin heh na hiam? Nang zong limtak in hih le cin hong kisang ding hi.”a ci hi.

A hi zongin Cain in Pasian thu ngailo in mawhna ki zosak hi.

Asanggampa Abel zolkhia in gamlak ah a vak uh hi.Tua bangin gamlak ah kuama muhloh na muh ah Cain in Abel a that hi.

Tua ciangin Topa in Cain kiangah, “ na sanggampa koi ah om”ci-in a dong hi.

“Pasian in Abel omna a theilo tak pi hun na um na?”(Hi lo Pasian in na khempeuh thei Cain in Abel bang cih cih zong thei)

Tua leh apiang na khempeuh Pasian in thei khin napi banghang in dong atam?

Bang hanghiam cih leh Pasian in Cain in a mawhna pulak a a kisik kik ding hun pia.Pasian in i sep khempeuh thei lungsim tawng ong ong mu i khial na mawhna te pan kisik a amah i zuat ding hongdeih.

 Ahih hang Cain in “ kei ka sanggam pa kem hongsa na hi hiam? a omna ka thei kei hi.” a ci hi.

Topa in Cain kiangah, “Bang hang a hici gamtat na hi hiam? na sanggampa sisan leilak panin keikiang ah hong kiko hi.Tu-in nang hong ki hamsiat hi. Lo na khawh ciangin nang ading an gina pianglo ding a,Leitung ah vak vai leh galtai pa na hi ding hi.” a ci hi.

Cain in, “ ka khialhna hanga ka thuak ding daan  pen kei adingin lianlua hi.Kei hong mu peuhmah in hong that khading hi” a ci hi.

Topa in, “ Cain a thatkha a om leh a zah sagih in ki thuk kik ding hi,” a ci hi.Kua man a thah loh na ding in Cain tungah ciapteh na khat a koih hi.

Tua ciangin Topa kiang panin Cain paikhia a, Eden nisuah na lam Nod gamah a teeng hi.

*Pasian pahtak na hi nuam hiam?

*Pasian in nang tungpan a hoih penlamen hi.

* Lungsim tawng a en Pasian 

*Pasian ading bang na pia khia?