khatvei innkuan khat om hi.Anu uh pen shopping pai in buai mahmah a, Ong ciah ciangin van tampi ongpua hi.Lungdam bawl nai mahmah ta ahih manin lungdam bawl puanding le inn zemnang a tuamtuam ong lei zihziah hi. In atun ciangin a innkuan un lungdam bawl ading innzem in buai mahmah uh hi.
Tua laitak in a tanu khat in,
SN, “nu banghang en lungdambawl bawl e?nang lah lawp mahmah lai bang hang Tua zah a lawp na hia? Kapa off ding a ciang a maw nu!”
ZZ, “nang tudong thei nailo maw? Lungdam bawl ciang mi cimawh te kihuh, khat le khat letsong ki piak.Ken zong nop sa ing bang hanghiam cih leh letsong tam pipi kingah.”
ANU, “ Tua te hang a, lungdam bawl aki bawl hilo hi ei, ka ta te.No na Sunday school vuah na sia/ siamah ong gen lo maw?”
ZZ, “gen mah e kei ka ihmut suak lua ahih ciang a zalo.”
SN, “Nu ka siamah ten maw, Adam le Eve te singgah nekkhak na hang leitung mi khempeuh in mawhna nei ci ven. Tua mawhna danpen sihna ci bangci suah tak ding?”
ZZ, “Aw! Tua sihna tawh bang ci kipelh thei ding?”
SN, “ Ka sia ten ong gen khin mah hi ven kei ka lawmte tawh ka ki ho laitak ahih cianga zalo.”
A pa,“Aw! Tua lian eive, Pasian in hong it mahmah ahih cianga, i mawhna thaman sihna pan honggup khiat na thu, a thupi pen hi.”
A nu, “ Siannu, zuzuun hong pai vo hiah ken lungdam bawl I bawlna thu ong gen ning maw, Tuma kum 2000 val lai in Galilee gam Nazareth khua ah Mary kici nungak mel hong mahmah le Pasian azah tak mahmah khat om,amah kia innsungah a om lai tak,Van tungmi Gabriel ama kiang hong kilang vat in,Tua
VANTUNGMI IN, “Hi! Mary thupha ngahnu lungdam in nang pen Pasian in hong ompih mahmah hi”
Mary in vantungmi thugen azak ciangin lamdang sa mahmah hi.
VANTUNGMI. “ Mary aw lamdang sa in lunghi mawhkei in,nang gai-in tapa khat na nei ding a, amin Zeisu naphuak ding hi.Alian pen Pasian Tapa kici ding hi.”
MARY, “Kei,pasal tawh alum khawm ngei nailo pi hi thu bangci pian theih ding ahi hiam?”
VANTUNGMI, “Pasian in a bawl theihloh khat zong omlo hi.”
MARY, “kenpen Topa’ nasem nu ka hihi na gensa bangin keima tungah hong piang ta hen.”
Tua khit ciangin vantung mi a paikhia hi.
Mary lungdam lua in lungdam ko in Pasian aphat hi.
2.Tua laitak in Mary tenpih dingin zuthawl Apia khin alawmpa Joseph in Mary thu azak ciangin lamdang sa in lung hi mawh mahmah hi.Joseph pen micitak thuman a gamta nuam khat ahih manin alawmnu maizum sak nuamlo ahih man in maksim ding angaihsun hi.Tua bang angaihsut laitak in vantungmi in amang sungah hopih a,
VANTUNGMI, “Joseph aw Mary pen Kha siangtho gaisak ahih manin amah tenpih ngamlah kei in.Amah in tapakhat hongnei ding a,tua atapa in ama mite amawhna uh pan in honkhia ding ahih manin ama min dingin Jesuh na phuak ding hi.ci-in vagen hi.
(Tua hun laikakin gamtampi a uk Sisar Augustas in mipha zah akitheih nadingin Mi khempeuh misazian a kilak nading thu apia hi.)
Tua ciangin Joseph zong David suan te khat ahih man in Judea gam Nazareth khua panin Bethlehem khua ah apai kul hi.
INNTEK, “Sorry mahmah ei awng nawnlo
INNTEK, “a bang hizel a leh midim khin”
APASAL, “Bang ahia?”
JOSEPH, “En o! Ka zi naupaii hi ven asuah hun dekta awng nawn ngiat lo maw?”
J,M, “aw lungdam ei”
Tua ciangin ganbuk sungah hong lut uhhi.Mary zong agil na in atacil a hi ta pasal khat nei-in, puan tawh tunin gan annek na kuang sungah a sial hi.
3.Tua hun laitak in gamlak ah atuuhon te giahpih tuucing pawlkhat a om uh hi.Amaute kiangah Topa vantungmi khat hong kilang a,Topa vaangin Amau te taan ahih manin alau mahmah uh hi.
VANTUNGMI, “ lau kei un, Mi khempeuh alungdam sak ding thu thak hoih khat puak a hongpai hing,Tu ni-in David khuapi sungah, note ahong hon khia ding Khrih Topa asuak hi.Amah na thei nading uh alim in, Puan tawh kitun naungek khat,gan annek na kuang sungah a kisial na mu ding uh hi,”
“Thang …….ta hen Pasian min thang ta hen”
Van tungmi te aciah khit uh ciangin tuucing te lamdang sak na tawh khat le khat ki en giaugiau uh a,
TUUCING 1, “na za uhna lamdang lua ka lungsim khat vak ei “
TUUCING 2, “lawmte en hiah bang hih lai pai in tua naungek va zong ni koi ah omding ci a leh,”
TUUCING 3, “David khuapi, oi!David khua pi Bethlehem,Bethlehem ah vapai ni ei kinawh vo,”
TUUCING 1, “I tuute, Tuute na ihmu vo pai ni ei,”
ci-in lawp takin Bethlehem lam manawh in apai uh hi.
4.Tua hun laitakin Herod in Judea gam kumpi asem ahi hi.Jesuh asuah khitphet in aksi lamsang mipil pawlkhat in alamdang kumpi aksi mu uh ahih manin kumpi pa om na Jerusalem lam zuan in hong paipah uh hi.Jerusalem atun uh ciangin,
MIPIL 1, “ Jew mite kumpi ding ahi naungek koi ah om ahi hiam? Ni suahna lam panin ama aksi ka muh uh ciangin abia dingin hong pai hi ung”
ci-in adong hi.
THUKHAMHILH, “Kamsangpa laigelh na sung ah, Judea gam a om Bethlehem khua aw nasung panin ukpa khat hong piang di ahih manin Judah gam a uk te lak ah a neu na hi het kei hi. ci veh aw”
SIAMPI, “Tua leh Judea gam Bethlehem khua ah suak dinghi.”
Herod, “ ma mipil te vasam vo,”
Herod, “Tua nazon uh naungek Bethlehem khua ah om incin vazong unla na muh uhciang Kei zong ong gen vo maw kenzong pai in bia nuam ing,”
Tua ciangin aksi lam mipil te zong Bethlehem lam manawh in pai uh a, alamdang aksi zong a mukik uh hi.Tuaciangin Amau te in tua aksi painana azuih uh leh ganbuk tung khat ah ong khawl hi.
MIPIL, “ En vo hua gal ah ganbuk tungah I aksi khawl vapai ni ei,”
Tuucing te zong ganbuk muta uh a , asungah alut phei uhhi.vantungmi gen bang lianin Joseph ,Mary le gan annek na kuang sungah kisial naungek mu pah uha, vantungmi in Amau kiang a, agen thu te gen in amai ah akun uh hi.
6.Mipil te zong tua aksi khawlna ganbuk sungah hong lut uha Mary le naungek amuh uh ciangin amau te khukdin in tua naungek a biak khit uh ciangin avan puak te uh suahkhia uh a,kham, saledi paaknamtui le myrrh paaknamtui letsong in apia uh hi.
Herod kiang aki lehkik loh nading un amang sung uhah Pasian in hilh ahih manin lampi dang tawnin aciah uh hi.
B SIDE
Innkuan te,
ZZ , “ Nu zaknop lua ong gen lai o”
ANU, “ Awaw”
SN, “Tua Jesuh thu Sunday school ah sin mah ung ei nu”
ZZ, “Pa tua thu te Laisiangtho sungah om hi ven”
APA, “he hi tepen Laisiangtho sung ah a om vive thuman thu tak te hi ven ken a zom ong gen ning maw”
APA, “Jesuh pen naupang dang te mah bang a ong khang toto in ah maw.Ahih hang aman mawhna bawl ngeilo amah Pasian’ Tapa hi ahih cianga,ama tungah luahsuk mawhna omlo ahih cianga amah siangtho,Eite mawhna pan ong honkhia ding a lei tungah mihing bang a hong pai hi zen hi ven ong itna aliat dan,amah kum 30 aphak ciang Pasian nasep kipan aman nalamdang tampi zong bawl misi te thosak cina te damsak,”
SN, “Tua leh pa aman koi dan a imawhna hong lakkhiat sak thei,”
APA. “Jesuh pen eite gumkhia ding ngiat a leitungah hongpai a hih mah bangin
ama mawhna ding kizong in mawh neilo pi kimawh sak siampi te le thu khamhilh ten Jesuh athah theih nang uh lampi zongzong Jesuh simmawh bawl in ciangtawh sat uh khau tepthawh sat uh cilphih bawlsia Uliante mai ah kipai pih, Pilat mai ah ki pai pih Herod mai ah kipai pih atawp na ah Jesuh thah dingin thu ki khenta,”
1.SINGLAMTEH TUNG KHAINA
Tua ciangin athat nuamte in Jusuh paikhat pih a,ama kikhai nading singlam teh amahmah puasak hi.lampi ah simmawh bawl kawmkawm uh a,Jesuh zong gim mahmah in asinglam teh tukpih zelzel hi.
Tua laitakin Simon aki ci mikhat lammat in Jesuh singlamteh a puasak uh hi.Jesuh nungzui in mitampi pai uh a,
“Lutang Guh” mualtung atun uh ciangin galkap te-in Jesuh singlam leh tungah kilh cip uhhi.
Amau te-in Jesuh zahko-in
1, “Amah in midangte hon khia in, Pasian teel sa Khrih ahih takpi leh amah le amah ki honkhia hen,”
2.Jew Mite’ Kumpipa na hih takpi leh nang le nang kihon khia ve hahaha,”
3. “ midang te honkhia napi amah le amah ki hon zolo hihihi.”
“Jew mite kumpipa hi”ci-in gelhin atung ah asuang hi. Tua bangin zahpih in ko bawl ngeingai uh hi.
2.JESUH SIH NA
Tua hun laitak pen sunkim nai 12 pawl hi a,tua pan nitak nai 3 ciang dong leitung khempeuh khua mial a,Biakinn sungdal na puan kikek in phelnih asuak hi.Tua ciangin nakpi tak in Jesuh kiko a,
JESUH, “Eloi, Eloi, lama sabachthani”ci-in akiko hi.
Tua laitak in mikhat vatai a lenggah-zuhau sungah tuihupna diahin pumpeeng dawnah a hen khit ciangin Jesuh’hup dingin tah to hi.Tua ciangin nakpi tak in Jesuh in ahuu tawpna asang khia hi.tua lai a ding Galkap mangpa in
Galkap, “hihpa,Pasian ta taktak a hi hi.”a ci hi.
Numei pawlkhat in zong agal ei uh hi. Tua te lak ah Magdala khua mi Mary le numei dangte zong a om uh hi.
Tu in nitak hong hita a,Arimathea khuami Joseph in Pilate kiangah Jesuh luanghawm ava ngen hi.
Tua ciangin Joseph in Jesuh luang la-in ahoih mahmah puanpak khat tawh tunin suang ki khuat hansungah sial in suangtun pi tawh akhak hi.
3. JESUH TAWHKIK NA
Nipi ni zingsang tungin numei te paaknamtui tawi-in han ah apai uh hi.
Magdala Mary, “ lawmte han hukna suang kuan ongsak tam?”
cih ki kumkawm in pai uh a, han atun uh ciangin han khuk hukna suang a kilik khasa mu uh ahih manin asungah tumpah uh a,ahi zongin Jesuh’ luang na omlo hi.Tua bangin a om laitak un,pua pak silh minih amau te kiangah hong ding hi.numei te lau mahmah in leilak ah kunsuk in a omlaitak un
VANTUNGMI 2, “ lamdang sakei un Jesuh azong na hi uh hi. Hih lai ah amah om nawnlo hi.Tho kik zo hi.Galilee ah aom lai-in note kiangah onggen thei nawnlo na hi uh hiam?”mawhnei mmite khutsungah Mihing Tapa kipia ding a,singlamteh tungah kithat in,ani thumni in hing kik ding hi, a cih thu phawk un.” a ci hi. Amau te zong ciah uh a,Jesuh in lamkal ah Tua numei te na dawntuah in,
JESUH, “ lungnuam un!”
Numei te inzong Jesuh akhe ah Len in a kap uh hi.Tua ciangin
JESUH, “ Lau kei un.Pai unla,Galilee gamah ka sanggam te apai nadingin va gen un.Tua lai ah Kei hong mu ding uh hi,” a ci hi.
4.INNKUAN TE
ANU, “Ok tun lungdam bawl ibawl na ahang na thei ta uh na leh?”
SN,“Nu ken Laisiangtho khat ong sim ning John 3:16 Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.”Tua laisiangtho sungah, atapa neihsun acih Pasian Tapa Jesuh ong suahni pen lungdam bawl,”
ZZ,“ lungdam bawlpen Pasian in leitung mi khempeuh ading Ama tapa letsong a ong piak ni tua kan a, amanpha zaw letsong bang omnawn mawk ding”
ANU, “Tua kan a lungdam huai thu omlo den a kong gen Jesuh singlamteh tung ong sih na pen nang le kei mawhna tang a ong si hi zen hi ven. Tua hang bekbek a ei Pasian ta asuak lungdam huai lua.Pasian in leitung mi a um khempeuh ading letsong ong pia tua letsong lungdam tak a i dan ding.tukum lungdam bawl pen nidang tawh ki banglo in ahong suak naungek Jesuh bawngkuang sung bek ah suaksak lo in na lungsim sungah suak sakin,Tua Pasian ongpiak lungdam bawl letsong angah kim ding in mimal kim Topa’ thupha hong pia ta hen.
0 Comments