#Innkuan sung kitawt na
Innkim innkuan kimphial ah kitawng cihpen atawm atam om thei den hi. Adiakdiak in naupang nih le thum nei te sungah bang tam thei deuh hi.
Laisiangtho sungah zong innkuan kilem lo pen na omlai.khat le khat ki thah ding ngaihsutna nangawn a om mah bangin aki that takpi zong om liang hi.
#Hazat nahang apiang kitawtna(Pian4:1-10)
Hazat na-in kitawtna lianpi piangsak hi.Itna ngahlo naupangte le midangte tawh tehkak na a thuak den naupang ten zong hazat na nei deuh uh hi.
Tua ahih manin na tate akikim in it in.Asang gam te tawh ahih kei leh alawmte midangte tawh teh kak ngeikei in.Tua hi leh innkuan sung kitawtna ong tawmtuam ding hi.
# Nu le pa te itna akikim loh nahang a piang kitawt na (pian 25:19-28,pian 27,pian 37)
Innkuan pawlkhat te ata te lakpan itdeuh pahtak deuh aneih uh leh innkuan nuamlo in kitawtna ong piangpah hi.Itna angah naupang ading amailam ah kimuanna a om mah bangin,…itna angah lo naupang khat in hazatna, lungneu na, kimuan loh na le lungkim theihloh na cih te tawh khangto pah hi.
Tua ahih manin nata te khempeuh aki bangin it ding pen thupi mahmah hi.
Nang na tate akibang in it in aki bangin bawl in tuambawl deuh cih sese te hih kei le cin innkuan sung ah kitawtna te omlo in ki-it na om zaw ding hi.
#Naupang te kitawtna i awlmawh loh na hanga,a bei thei nawnlo kitawtna (2Samuel )
Naupangte akitawt uh ciang nu le paten a khial zaw taituan lo a ikoih ciang … akhiallo a thuak penin hehna tawh thukkik nuam mahmah hi.
Tua ahih manin naupangte aki tawtciang kitheihloh bawl ken la thudon in. Nang na thudon kei a na awlmawh kei leh amau ahimah ding sa ding a, ki tawtna pen bei ngeilo ding hi.
#Naupang te a kitawt ciang
-Nu le pa pawlkhat in ki theihloh bawl hi. -Pawl khat in tai ziau hi.
Gentehna: ki tawngtawng kei sin vua.Nopsa keng no hangin ka sinso….
-Pawl khat in ata te tung thukhen sem lua..
Gentehna: kuapat nei vua?Banghang Tua cih nei vua?…,
Tua atung a tengsang a zathuai zaw ah, akitawt uh ciangin lungduai takin sam inla kamnem tawh genpih in kikup pih zaw in.Thukhen nasep den ciangin akam teizaw ahih kei leh agendan asiam zaw peuh in zo hi.Naupangte khemna azat thei nang ahilhhilh tawh kibang hi teh.A kitawngte akibangin hilh in. Ittuam guptuam nei a thu khen kei in.
#A thu pi penpen
- Nangpang te na pattah nading pilna naneih nang, naupang khat le khat aki-it nading nangpen Amau ading a lim pha alak nu/pa na hih theih na ding thungen in.
-Naupang te kitawt lohding adeih na hih leh nang zong mitawh aki lem a kitawngtawng lo khat na hih masak kul ding hi.
0 Comments