NA LUNGKHAMNA KUA KIANG TUN NA HIAM?
Pasian in note hong kem ahih manin na lungkhamnate khempeuh uh ama kiang tun pih un.
Amah, Elkanah minnei Pasian a it tangval thacing melhoih khattawh ong kiteng hi.Anu pa un kithu tuak in ki-it mahmah uh a,nuamtak in ong om uhhi.
Aki tenzawh uh ong sawt pianta a, Ta zong deih mahmah uh hi.ahi zongin Hannah in ta nei lo hi.
A pasal Elkanah in Peninnah min nei zidang khat zong nei hi. Tua nu in tanu tapa nei hi. Peninnah in Hannah simmawh bawl in ta neitheilo nu ci- in ciamnuih bawl zel hi.
Elkanah in Hannah a it mahmah hangin Topa in amah ta neisak lo ahih manin Hannah tungah tanh khat bek a pia hi.Tua bang hun ciangin amah a el azi-pih Peninnah in nakpi takin phin in hehsak zel hi.Hannah kapin an ne lo hi.
Hannah in, “tu-in ka muanding Pasian nei hilo ka hi hiam?Ama tungah kalungkham na teng kako dinga a mahin Kei hong maizum sak lo ding hi.” ci-in thak khat in dingkhia-a biakinn ah thungen dingin a pai hi.Biakinn a tun ciangin khukdin sukin alungsim khempeuh suahkhia in nakpi takin thungenin akap hi. “ Vanglian Topa aw na nasemnu gimna nong et takpi a kei hongphawk in, hong mangngilh lo- in na nasem nu tungah tapa khat nong piak leh Topa tungah a khan tawntungin amah kong pia kik ding hi.”a ci hi.
Tu-in Hannah in a lunggulh mahmah tapa khat ngah ahih manin lungdam mahmah hi. Samuel in anu nawi anek laiteng anu in kemin a innkuan un kithuah in nuamsa mahmah uh hi.
Hannah in a kamciam om mah bangin naupang nawitawh aki khen ciangin, Shiloh a om siampi Eli kiangah a naupang a paipih uh hi. Hannah in, “Aw ka topa! kei nong thei lai hiam? Hunkhat lai in hihteng ah thungen in zukham nongsak nu ka hi hi.
Samuel zong thumang takin siampi Eli tawh om uh a,siampi pa nasep te a huh hi.
Samuel pen saihadial siampi puan silh in Topa’ mai ah na asem naupang khat a hi hi.Anu in ama ading puan tual neu hoih mahmah lungdam kipak takin bawlsak hi. Anu Hannah le apa Elkanah te kumsim in biakna pia dingin a pai toh ciangin a ma adingin abawl puan tual neu khat ta kumsim in ama kiangah apuak uh hi.
Tua mah bangin Topa in Hannah thupha pia a, tua nu gai-in tanu nih le tapa thum a nei hi.A lungkham na Topa kiang ko ahih manin lungdam na angah hi.
Nidang lai-in Israel gamah Hannah kici nungak melhoih khat om hi.Amah amelhoih in mithunuan mahmah khat zong a hi hi.
Amah, Elkanah minnei Pasian a it tangval thacing melhoih khattawh ong kiteng hi.Anu pa un kithu tuak in ki-it mahmah uh a,nuamtak in ong om uhhi.
A innkuan un kumsimin Shiloh ah biakna pia dingin a pai zel uh hi.Tua bang a, apai uhciang in Peninnah in Hannah phin zel hi.
Tua bangin Topa tungah biakna pia dingin pai in, biakna apiak uh ciangin azi Peninnah le a tanu le tapate khempeuh tungah tanh pia hi.
Apasal Elkanah in, “Hannah aw,bang hangin kap a, anne lo na hi hiam?Kei pen tapa sawm sangin nang adingin hoih zaw hi lo ka hi hiam?” a ci hi.
Hannah in, “tu-in ka muanding Pasian nei hilo ka hi hiam?Ama tungah kalungkham na teng kako dinga a mahin Kei hong maizum sak lo ding hi.” ci-in thak khat in dingkhia-a biakinn ah thungen dingin a pai hi.Biakinn a tun ciangin khukdin sukin alungsim khempeuh suahkhia in nakpi takin thungenin akap hi. “ Vanglian Topa aw na nasemnu gimna nong et takpi a kei hongphawk in, hong mangngilh lo- in na nasem nu tungah tapa khat nong piak leh Topa tungah a khan tawntungin amah kong pia kik ding hi.”a ci hi.
Hannah in alungsim tawngah pau in, a mukte bek liingin a awging kiza lo ahih manin, Siampi Eli in zukham in ngaihsun ahih manin, “bang tanvei zukham in omding na hi hiam?Na zudawn khawl in.”a ci hi.
Hannah in dawng in, “Zukham ka hi kei hi.nakpi takin ka lungkham a, kakoh na ding dang neilo in Topa’ mai ah ka lungsim khempeuh sungkhia in, lungkhamna le gimna tawh a pau ka hih manin numei gina lo bangin hong ngaihsun kei- in,”a ci hi.
Tua ciangin Eli in, “Lungnuam in Israel-te’ Pasian in ama tungah na nget sa thu hong pia hi,”a ci hi.
Hannah zong tua thu azak ciangin lungdam mahmah a, amai puak kilaih lian in dahmai puanawn lo in,pai-in an ane pah hi.
A zingciang in a innkuan un lungdam tak in biakna apiak khit uhciang in akhua uh Ramah ah aciah uh hi.
Pasian in Hannah thungenna dawnga,asawtlo in amah gai-in tapa khat a nei hi. Amah in a min Samuel a phuak hi.Bang hang hiam cih leh amah in, “Topa’ tungpan amah ka nget ahi hi,” a ci hi.Hannah in a tapa it mahmah hi . Ahih hangin amah in Pasian tungah a kamciam mangngilh lo hi.
Tu-in Hannah in a lunggulh mahmah tapa khat ngah ahih manin lungdam mahmah hi. Samuel in anu nawi anek laiteng anu in kemin a innkuan un kithuah in nuamsa mahmah uh hi.
Hannah in a kamciam om mah bangin naupang nawitawh aki khen ciangin, Shiloh a om siampi Eli kiangah a naupang a paipih uh hi. Hannah in, “Aw ka topa! kei nong thei lai hiam? Hunkhat lai in hihteng ah thungen in zukham nongsak nu ka hi hi.
Tua hun in tapa ka ngen a,ka thungetna Topa in hong dawng in tu-in Amah in tapa hongpia hi.Tua ahih ciangin Topa tungah amah ka kawm hi.A nuntak lai teng Topa a dingin a ki kawm hi ding hi.” ci-in siampi Eli a ap uh hi.
Hannah in Topa tungah lungdam na la asa hi.
“Topa bangin a siangtho kuamah dang om lo a, amah simloh kuamah dang omlo a,i Pasian tawh a kibang hong hi dang omlo hi.”a ci hi.
Samuel zong thumang takin siampi Eli tawh om uh a,siampi pa nasep te a huh hi.
Samuel pen saihadial siampi puan silh in Topa’ mai ah na asem naupang khat a hi hi.Anu in ama ading puan tual neu hoih mahmah lungdam kipak takin bawlsak hi. Anu Hannah le apa Elkanah te kumsim in biakna pia dingin a pai toh ciangin a ma adingin abawl puan tual neu khat ta kumsim in ama kiangah apuak uh hi.
Tua ciangin Eli in Elkanah leh azi Hannah thupha pia-in, “Amah in Topa tungah a apkik a ta’ tang dingin Topa in hih numei tawh ta dang hong nei sak ding hi.” a ci hi.
1.Hannah in a lungkham na Pasian kiang tun.
2.Hannah in lungsim ki tamzanin upna, lametna le muanna takpi tawh thungen.
3.Hannah in ngah takpi ding ci-in lungdam takin ngak.
4.Hannah in ciampel lo citak takin a neih lianpen Pasian ading pia kik.
5.A neu lai mahmah Samuel thuman na hangin zong Hannah thupit na ki mu thei.
0 Comments