ADANG KUA TE KOI AH?

         ADANGKUA TE KOI AH?

1Thesalonika 5:18

Na khempeuh ah lungdamna ko un. Banghang hiam cihleh hih in khazih Zeisu sungah note aa dinga Pasian hong deihsak  ahi hi.(CTD)

Zeisu ko in

Khatvei Zeisu Jerusalem paidingin, Samaria le Galilee gamgi dung tawnin a pai laitak in miphak sawm in galmuh uh hi.Mi phakte pen mipi lak ah pai khuan omlo khuapua lam ah a ki tuam koih a innkuan pih te nangawn uh tawh a omkhawm theilo a hi hi.Amaute in a gamlapi panin, “Zeisu aw,Siapa aw,kote hong hehpih in,” ci-in nakpi in a kiko uh hi.

Zeisu in amaute a muh ciangin, “ Pai unla,siampi te kiangah va kilak un,” a ci hi.Tua hun lai a miphakte a phak na uhpan adam ciangin siampi tekiang kilah masak kul a, siampi pan dammah teh a cih leh bek inn ah a ciah thei uh a hi hi.Zeisu in tuabang a cih ciangin midang ten lamdang sa uh hi. Banghang hiam cihleh miphak te mitmuh in dam nailo uh a, avun tung uh phak lai hi.

A hi zongin,miphak sawm te in Zeisu kiang bangmah zong dong kik nawn sese lo in Zeisu cih bang umpah uh ahih man in lungdam takin Zeisu sawl bangin siampite kiang kivel sak dingin a pai pah uh hi.Amaute a pai laitak mahun a dam uh hi.Amaute khat le khat ki en uh a lungdam mahmah uh hi. Tun ei innah ciahthei ta ding ci in maitai mahmah uh a tuani pen miphak te lungdam pen ni a hi hi.

Amaute lakah khatin a dam lam a kimuh ciangin hong kilehkik a, nakpi tak in Pasian a phat hi.Amah  Zeisu khephungahboksuk in lungdam na a ko hi.Tua pa pen Samaria mi a hi hi.Tua ciangin Zeisu in, “A kidamsak sawm hilo ahi hiam?A dang kuate koi ah om uh ahi hiam?Hih gamdang mipa simloh hong kilehkik a Pasian min aphiat ding khat bek omlo a hi hiam?”a ci hi.

Tua khit ciangin Zeisu in tua pa kiangah, “Ding inla ciah in. Na upna in hong damsak zo hi,” a ci hi.Zeisu in tua miphak te’ lungdam mahmah lam thei hi.A hi zongin Zeisu in amaute lungdam koh na aw za nuam hi.

Zeisu in hih hun lai in miphak te adam sak mah bangin eite zong i natna te hongdam sak a,nisim hongpiak thupha te ongsep sak sa te hangin lungdam I koh den ding a man zanuam hi. Nang Zeisu na itna pen lungdam 
kohna tawh lakkhia thei hi teh. “Na lungdam koh ding mangngilh ken!”