LUNGDAM BAWL LETSONG
Nikhat Thangno le Cingno te unau lamsiau in a pai laitak un lampi ah mohthem kiate tawmin apai deudeu miksi mu uh hi. Cingno in muhnop sa mahmah in lunglut tak in en gige hi.
Cingno, “U Thangno endih hih miksi te ithuai lua,amau manlah tak ei moh tuah a buaklua uh,”
Thangno, “ei ve miksi tebel thanuam in manlah den uh,”
Tua laitak in mawtaw gol khat hongpai a,amau gei atun dektak ciangin khawlin Tua mawtaw sungpan in pasal khat hong tuakkhia a, lamgei a om tuilu phel dingin a ki thawi hi.Thangno te unau in en gige uh a,a tuilu damdam in hong phel ciangin tui zong tawmtawm in hong tak keuhkeuh hi. Tua ciangin,tui hongtam semsem in miksi om na lam ah hongluang suk ta hi. Tua ciangin
Cingno in, “ Uthang ki nawh hih miksi te I hotkhat kul ding miksi te tai mengmeng un tuihong luangsuk hi.Na tai kei uh leh tui in hingtai in si ding hi uh teh,na suahtak nang un tai un,” ci-in awngawng hi.Ahi zongin miksi ten awlmawh lo hi.Naupang nu’n ka aw zalo hin teh ci-in a ngaih zaw in awng in gen kik hi.miksi ten lah phamawh salo in zong thudon vetlo uh hi. Atui ongluang suk in miksi khempeuh tui in tai suk mangta hi.Tua ciangin Cingno in miksi te hehpih huai salua in akap hi.Thangno in, “kap kei o nau amau nang pau thei lo uh hi ven.” ci-in gen hi.
Tua ciangin a unau un a nukiangah hong tai uh a,miksi tampi a sih na leh a thu piang teng agen uh hi.
Cingno in, “ Nu aw, Ken miksi te kiangah nasih loh nang un tai un ci-in tamvei pi ka gen hangin ka thu manglo in tun avek un si mangta ” ci-in agen ciangin anu in miksi ten a thugen a mang loh na ahang agen hi.
A nu in, “En in Cingno nang pen mihing, miksi te mihing hilo a hih man in ei tawh ki banglo hi.Tua ahih man in nang thugen pen a mau theilo ahih veh.A mau te na theihsak nop a, a mau tawh naki ho nop leh lampi khat bek om tua in nang pen a mau mahbang in miksi khat na hih phot kul ding tua hileh bek nang amau tawh ki ho theiding hi teh. Tua leh nang miksi na suak nuam hia?” ci-in dong hi.
Cingno in, “Miksi bel suak nuam keng ahiang ken miksite kiang bangci le uh suakta ding cih thei sak nuam ing.” cin dawng hi.
A nu in, “aw! konggen ding khat om asawtlo in lungdam bawl ong tung ding hita zii paini ilei ding tamlua i letsong ding inn zem nang khawng haa i sepding tam lua ahih hang kumsim mi khempeuh letsong te khawng tawh buai in lungdam bawl i bawl na ahang taktak kua man ki phawk lo ki thudon lo in tua bel ong ngaih sut huai mahmah ding.”a cih ciang
Cingno in, “Nu tua leh banghang lungdambawl ki bawl himah a hia? Letsong ki piak pawi mah hilo maw?” ci - in dong hi.
Hilo e. “Pasian in vantung pan in ong ensuk in leitung pen sia mahmah mihing ten a ut bang vua gamta mawhna tawh kidim cih hong mu hi.Ahi zong in Pasian in ei leitung mi khempeuh hong it lua mahmah a hih manin leitung mite gitlohna hangin mawhna dan i thuak ding ong deihlo,”
Cingno, “ Tua leh nu banghang zong mihing ten a hoihlo mawhna khawng bawlbawl i hi tam?
Anu, “ Aw Adam le Eve ten Pasian thu mangloh na panin mawhna hong kipan a tua luahsuk mawhna hangin mikhempeuh in sin kullo in lungsim hoihlo, gamtat hoihlo huatna en na te i nei ei ve.”
Tua mawhna dan pan isuahtak ding pen Pasian deihna,ahih hang leitung miten Pasian deihna pen thei thei lo,tua itheih nang lampi khatbek om tua pen Pasian mahmah eidan mah a Leitung mi bang a ongpian phot kul e,Tua hileh ei kiho thei dingin ama deihna en thei pan ding.”
Cingno, “aw! Kei zong miksi suak leng miksi te tui in a taih loh nang a ken genthei ding mete.”
Anu, “He atua e,tuaman a Pasian in mihing te ong it, pammaih ong sa a hih cianga,Pasian in a Tapa khat neihsun eite ong gumkha ding a mihing bang a leitung ah ong paisak ”
Zeisu pen Pasian Tapa hi a,leitung pian mapek a,Pa Pasian, Khasiangtho Pasian tawh vantung ah a om khin hi ven.
Ahih hang,Zeisu pen leitung ah naungek a ongsuak,Amah koi bang a ongsuak hiam cihleh Gabriel aki ci vantungmi khat in Mary kiangah, “Asawtlo in nang gai in tapa khat na nei dinga, a min Zeisu na phuak ding hi.” Ci- in va gen hi.
Pasian in eite ong honkhia dingin a Tapa Zeisu ong paisak a hi hi.Tua Zeisu in singlanteh tungah thahna thuak in i mawhna khempeuh ong lakkhiat sak hi.
Zeisu asuah khit ciangin vaitungmi khat gamlak ah tuucing te kiang va kilang a, “Lau kei un.Mi khempeuh a lungdam sak ding thu thak hoih khat note ading ka hong puak hi.Tu ni-in David khualpi sungah, note a hong hon khia ding Khrih Topa asuak zo hi.”ci-in va gen hi.
Zeisu pen naupang ngeina dan mah in ongkhang toto a,ahih hangin a man mawhna bawl ngeilo hi.Banghang hiam cihleh a mah Pasian Tapa ahih man hi.Amah pen eite i mawhna hanga asi ding a leitung ah hong pai hi a, Amah a um khempeuh hotkhiat na a ngah ding hi hi.
Laisiangtho sungah, “Pasian in leitung mite hong it mahmah ahih manin ama Tapa a um mi khempeuh si nawn loin a hun tawntung theih nadingun a Tapa neihsun a hong piak dongin a hong itna a hong lak hi.”(Johan 3:16)
Ei te in tua Zeisu i up a leh nuntak tawntung na ngahin vantungah a tawntung in anungta ding i hi hi. A nu, “ Ok tun lungdam bawl I bawlna a hang thei ta uh teh mete”
Cingno in, “Lungdam bawl pen Pasian in a Tapa Zeisu eite a dinga,letsong a ong pia a hi ve leh,”ci-in dawng hi.
Zeisu pen eite a ding ahoih pen letsong hi.Hih a lian mahmah letsong nang ading zong hi lungdam tak in sangin.
0 Comments