JESUH’ SUAH NA

                             JESUH’ SUAH NA

                                   ( Luka 2:1-7)

Matthai 1:21

Amah in tapa khat hongnei ding a, tua tapa in ama mite amawhna uh panin honkhia  ding ahih manin ama min dingin Jesuh na phuak ding hi.

Mary pen Joseph adingin zuthawl piaksa hi a,a hizong in akiten taktak ma-un Khasiangtho in amah a gaisak na thu Mary in athei hi.

Tua ciangin alawmpa Joseph in, Mary in naupai cih thu azak ciangin lamdangsa in alungmang mahmah hi.Amahpen milungsim hoih le a manin a gamta nuam mikhat ahih manin alawmnu Mary maizum sak  nuamlo ahih manin maksim ding angaihsun hi.Tua bang angaihsut laitak in amang sungah Topa vantungmi in, “Joseph aw, Mary pen Kha siangtho in agaisak a hih manin amah tenpih ngamlah kei in.Amah in tapa khat hong nei ding a,tua tapa in ama mite amawhna uh panin honkhia ding ahih manin ama min dingin Jesuh naphuak ding hi.”a ci hi.

Tua hun laitak in, gamsung a mipha zah kisim na ding thu hong piang hi.Tua thu azak ciangin Joeph in Mary asawtlo a nausuak ding amah tawh ka pai loh lah phamawh ding ci-in lung hi mawh hi.Mary gen a, tu-in Bethlehem ah ipai kul ding hi acih ciangin Mary in aw hi maw kei nausuak ding hita ahi zongin pai akul leh pai ni Pasian in ong ompih ding hi ci- in lung kim tak in kithawi pah hi. A nih un Galilee gam Nazareth khua panin Judea gam Bethlehem khua-ah apai uh hi.

Joseph le Mary Bethlehem a tun uh ciangin Joseph in a zintun nading uh zongin zintun na innkhat khit innkhat ah pai-in kiu kawikawi a,Mun khempeuh ah mi na dimkhin hi.Mary zong anau suah hun tungta ahih man in gim kisa mahmah hi.

Atawpna ah Joseph in zintun buk kongkhak kiu leuleu a zintun buk cingpa in kong honin lupna ding mun awng nawnlo hi acih ciangin Joseph in, “ gam lapi panin hongpai ka hih uh a,zintun nang ka mu naikei uh hi.zin hong tungsak in en in ka zi nausuak ding hi ta a gim kisa mahmah hi.”aci hi. Zintun buk neipa in zong Mary amuh ciangin hehpih huai sa a, ahi zongin zin tun’na ding mun dang khempeuh mi dim khit ta hi. Zintun buk neipa in,“Gan buk ah na tun nop uhleh tua mun ah natung thei ding uh hi.” aci hi.

Tua ciangin Mary suahhun lua ta ahih manin tua ganbuk ah tung uh hi.Tua munah a om bawngte, Sakkolte le ganhing dangte  in lungdam takin na dawn uh hi. Tua ganbuk sungah Mary le Joseph ong lutphei-in Joseph in Mary lupnang asenpy thei pen dingin bawlsak in tua tengah a tacil ahi ta pasal khat nei-in, puan tawh tunin gan annekna kuang sungah a sial hi.Tua teng a om ganhing khempeuh in hongsuak thak Pasian Tapa Jesuh a muak uh hi.

Ngaihsun dih ve Pasian Tapa takpi vantung nopna nusia a , leitung ah mihing bang a ong piang tua nangawn asuah na mun ganbuk sung hi lailai tua pen nang le kei a ding leitung mi adeih khempeuh a te ong hon khai ding a ong suak hi ven.

Hih Jesuh ongsuah na thu khatvei ngaihsun kik dih!Pasian ong itna bangzah a lian nang mahmah hong it luat man hi zen hi ven.Tua ni pen leitung ading alungdam huai pen ni hi.Pasian in a Tapa Jesuh nang le kei ading in ongpia a,  i mawhna khempeuh pan hong gumkhia Jesuh tu-in na lungtang sungah suaksak in.