ALAMDANG AKSI PI

              ALAMDANG AKSI PI

Jeremiah 29:13

Note in kei nong zong ding uh a, na lungsim khempeuh uh tawh nong zon uh ciangin nong mu ding uh hi.

( Alungsim le apil na khempeuh uh tawh azong mipil te na zong uh naungek mu)

Khatvei aksi lamsang asin mipil te in alamdang mahmah aksi pikhat vantungah hong mu uh hi. “ Tuni tak aksi tangngawh pha deuh veh aw,” aksi lam mipil khat in ci hi.Akhat in, “ En mah dihun atang phadeuh aksi,” ci-in vantunglam a kawl hi.Hih pen akhiatna khat omding hi. a ki ci uh hi. “hih pen kumpi aksi hi.Jews kumpi thak ding naungek suak om hi.”a kici uh hi.

Tua ciangin Amaute in kumpi thakpa apuakding uh letsongte guangin kithawi in asuak thak naungek azongding in Jerusalem  lam manawh in apai uh hi.

Jerusalem a tun uh ciangin, “ Judah kumpi dinga ahong suak naungek koi ah om ahi hiam?Nisuahna lam panin ama aksi ka muh uh ciangin amah bia dingin kong pai uh hi.”a ci-uh hi.

Kumpi pa in azak ciangin heh mahmah a, lamdang sa in apa tau mahmah hi. Amah in agamsung a. siampi lian te le thukhamhilh sia te samin khazih suah na ding mun adong hi.

 Siampi te khat in“ Bethlehem khua ah suak ding hi.” Bang hanghiam cihleh kamsangpa in alai geihna ah, Judah gam Bethlehem khua aw,khua gina lo na hi kei hi.nangsung panin ukpa khat apiang ding hi.ci-in gelh hi,”aci hi.

Tua ciangin kumpi pa lunghimawh semsem a, aksi lam mipil te samin “Tua namuh uh aksi banghun a namuh uh hi a, no bang tanvei zui khin na hi uh hiam?” ci-in adong hi.Herod in tua mipil te sam a, aw khumtak tawh, “ pai unla tua naungek vamu khia hamtang  un tua ciangin kei zong pai-in ka biak thei na dingin a omna hong zasak kik un.” a ci hi.

Amau te zong pai uh a,amuh sa uh aksi mukik uh ahih man in nuam mahmah in naungek Jesuh omna atun dong un a zui suak uh hi.

Naungek Jesuh le anu Mary amuh uh ciangin apuak uh a vanmanpha kham le paaknamtui te suahkhia in pia uh a,amai ah kunsuk in abia uh hi.

Herod kiang apai kik nawnloh nang un Pasian in amang sung uh ah, “Herod in naupang thatnuam ahih man in paikik nawn kei-un,” ci-in hilh ahih manin lampi dang tawn in agam vuah aciah kik uh hi.

Mipil te aciah khit uh ciangin Joseph mang sungah vantungmi in, “Tho inla naupang le anu Egypt gam ah taipih in.Herod in naupang thatnuam in zong ding ahih manin thu kong zaksak kik ma teng tua lai ah va om phot un,”a ci hi.

Joseph zong tho pah in naupang no le anu zankimpi mahin Egypt gamah apaikhiat pih hi.Mary in lamdang sa a, “ banghang kumpi pan’ naupang that nuam hiam?”cin dong hi. Joseph in “ken zong thei keng ahi zongin vantungmi ong gen bangin i gamta ding hi.”aci hi.

Herod in mipil te khemna atheih ciangin heh mahmah hi.Mipil te adot na tungtawn in ahunding seh a,Bethlehem khua le akim gam sunga om naupangno kum nih nuaisiah aki thah nading thu apia  hi.

Kumpi Herod in Pasian unlo a,Pasian zong zahtak lo ahih manin tua bang agamta ahi hi.

Ahi zongin Pasian in naupang Jesuh bittak in kem hi.

Herod asih ciangin Egypt gama om Joseph mangsung ah vangtungmi kilang a, “naupang athat nuamte sikhin ta hi.Tho inla naupang le anu Israel gamah ciah pih in.”a ci hi.

Tua ahih manin amau  te pai-in Nazareth ah ateeng uh hi.

“Lungsim khempeuh tawh azong te in a mu ding hi”