ZEISU IN NAUPANGTE THUPHA PIA
(LUKE 18:15-17)
Matthai 19:14
"Naupangte ka kiangah hong pai ding kham kei unla hong paisak zaw un.Vantung kumpigam in naupang tawh akibangte aa ahi hi."(CTD)
Zeisu tawh kimu ding naupangte lawp mahmah uh a, "Nu kapuan bawk thak kasilh thei dia?" ci-in Sarah min nei naupang khat in maitai kawmsa in anu kiang dong hi. "Aw silh o hoih ei, Zeisu tawh kimu ding ihih ciang ahoih thei pen le asiangtho pen in ki thawi ni maw," ci-in anu in zong lungdam tak in dawng kik hi.
Nupi te pen ata te uh Zeisu in thungetsak in thupha apiak ding deihsak lua uh ahih manin tate thawi in buai thei mahmah uh hi.Tua nupi te lak ah khat in, " kei ading in tuni pen ni thupi mahmah ni hi.Zeisu in ka tapa ading thu hong ngetsak ding hi." ci in lawp mahmah na tawh a lawmte kiang gen hi. Khat leu leu in, " Zeisu in ka tanu lutungah khut nga in thu angetsak ding ngak lah ing," ci-in lungdam tak in ki ho kawmkawm uh hi.
Akithawi sitset khit uh ciangin Zeisu mudingin hongpai ziahziah uh hi.
Tua ciang Zeisu thugen ngainuam in mi hongpai ngeingai uh a,tuate lak ah naupang tampi zong kihel hi. Tua ciang in nungzui khat in, " hih naupangno ten hilai ah bang ong hih a hi uh hiam? Zeisu in naupang te tawh ahun beisak manlo ding hi." ci- in na taai uh hi.A hi zongin naupangte in Zeisu hong neh tektek uh a, nungzui te khat in, " hipan in naupangte paikhiat pih un," ci-in asawl hi.
Tua ciangin awkhum mahmah tawh Zeisu in, "Naupangte kakiangah hong pai ding kham kei un.Banghang hiam cihleh Pasian kumpigam in naupang a bang mite aa ding a hi hi."a ci hi.(Luke 18:16) CTD
Zeisu in naupangno te samin a angah tawi in a lutung uhah akhut nga in thupha a pia hi.
Zeisu in, "Aman takpi kong cih in ah, naupangnote san banga Pasian kumpigam a sanglo mi peuhmah tua kumpigam sungah a lutthei kei ding hi," a ci hi.(Luke 18:17)CTD
*Zeisu in naupang khempeuh it in thupi sa hi
*Zeisu in lungsim siangtho deih hi.
* Biakinn ipai dingciang Pasian phatding le biading in i paiciang lawp mahmah na tawh ahoih pen le asiang pen in ki thawi ding
*I hoih hun hoihloh hun ah awkhum taktawh hongsam den Zeisu
0 Comments