NA VENGTE IT IN

                          NA VENGTE IT IN

                              (Luka 10:37)

Luka 10:27

     “ Na Topa Pasian na lungsim khempeuh,na nuntak na khempeuh,na hatna khempeuh le napil na khempeuh tawh na it inla,nangmah na ki it bangin na vengte na it in”

        Pasian in khat le khat ki it ding hongdeih hi.Adiakdiak in i theih ngeiloh mite zong  Pasian bawl sa mah ahih manin it ding ahihi.

     Khat vei Zeisu a ze-et dingin Thukham hilh siate  khat hong ding a, “Sia aw nuntak tawntungna ka ngahtheih nadingin bang sem ding ka hi hiam?”ci-in a dong hi. Zeisu in,Thukham sungah bang kigelh a, bangsim na hi hiam?” a ci hi.

 Amah in, “ Na Topa Pasian na lungsim khempeuh,na nuntak na khempeuh, na hatna khempeuh,le na pilna khempeuh tawh na it in la,nang mah na ki-it bangin navengte  na it in,”ci-in ki gelh hi.”a ci hi.Tua ciangin Zeisu in,Na dawnna man mahmah hi.Tua bangin gamta lecin nunta ding hi,” a ci hi.

 Tua ciangin amah in Zeisu kiangah, “ka vengte i cih kuate a hi hiam?”ci-in a dong hi.

    

Zeisu in a dawn nadingin tangthu khat gen a, “Jerusalem panin Jericho khua-ah mikhat paisuk hi.

     lamkalah migilote in na buksim in amah a muh uh ciangin a puan teng suahkhiatsak in,a neih khempeuh laksak in satgawp uha,asatgawp khit uh ciangin 

si dektaksa,in nusia in a paisan uh hi.

Tua lai munah amah gimlua mahmah ahih manin tang zolo in nisa lak ah si le nai tawh a om laitakin khe ging khat za a, amah zong alu phongto  in en a, siampi khat hongpai mu ahih manin ong huh thei ding hi ci-in nuam mahmah hi. A hih hangin tua siampi pa in a mah amuh ciangin lamnawl  tawnin a paisan hi.

Tua zawh asawt pian khit ciangin kheging khat za leuleu a, amah zong a mit hongin a et leh Levi mi khat hongpai amu hi.Tua hun lai-in Levi mite pen biakinn nasem te hi uh a “Pasian thukham ahilh te zong ahih manin hi pa’n bel onghuh taktak ding hi.”ci-in ngaihsun in lungdam mahmah hi.Tua Levi mipa zong lamgei a aliam pakiang hong nai  in en a, tua khit ciangin akim apam ah min hong mukha hiam? cin khua dak kawikawi a kua mah amuh loh ciangin,lamnawl lam tawnin a paisan leuleu hi.

Tua zawh asawt loin mipa in kheging khat za leuleu a, alu phong in a etleh Samaria khualzin mi khat mu hi.Tua ciangin lungkia tak in alukun in a mitsi kik hi.Bang hanghiam cih leh Jew mite le Samaria te pawlkhat hilo uh a,Ana uh zong kizatsak nuamlo te uhhi.Tua ahih manin a huh ding lam en vetlo hi.Ahi zongin Tua Samaria mi khualzin pa a ma kiang zuanin hong pai a,a liam pa a muh ciangin hehpihhuaisa ahih manin,

a kiangah va pai-in a liammate sathau le lenggah zu anuh  sak khit ciangin a tunsak hi.

Tua ciangin a la tungah tuangsak a, zintunna inn khatah paipih in tua lai-ah akoih hi.

A zingsang ciangin zintun inn nei pa kiangah sum peek nih pia a, “Hih mipa limtak in na khoi in. Na veina dang khempeuh, kong paikik ciangin kong loh ding hi.” ci hi.

Tua ciangin Zeisu in “hih mihing thum te sung panin,a kisuampa a dingin a koi pen a vengpa hi dingin na um hiam?”a ci hi.

Thukham hilh siapa in, “A hehpih pa hi ding hi.” a ci hi.Tua ciangin Zeisu in ama kiang ah, “Nang zong pai inla, tua bangmahin gamta in”a ci hi.

      Tua mahbang in,eite zong midangte tungah itna nei in mideidan lo-in i it ding Zeisu in deih hi.Ei pawl hi kei ta leh a hih kei leh mivom,mikaang a kua mapeuh Pasian bawl Pasian it mahmah te i hih manin hih Samaria mihoih pa bang in a cimawh khat I muh ciangin huh in panpih ding hi hang.