ZEISU, TUI TUNGAH PAI

                NANG ONGHUH DINGIN 

          ZEISU KIGING SA IN OMDEN HI 

Isaiah 45:22

           Leitung mi khempeuh te aw, kei lamah hong kihei unla hotkhiatna ngah un.

ZEISU, TUI TUNGAH PAI

            Mi honpi te in anlum le ngasa a nek khiat uh ciangin Zeisu thugen zanuam lai-uh ahih manin kua mah ciah nuamlo uhhi.Amaute in thatang hat thutawh kumpi in a mah akoih sawm uh hi.

       Zeisu in anungzuite gunkuangah tuangsakin,agal khat a om Bethsaida khua ah ma paisak a,amah in mihonte a khua ciatah aciah dingin a sawl hi.Amau te tawh akikhen khit ciangin thungen dingin mualtungah a kahto hi.

      Zeisu cihbang in nungzuite zong agunkuang uhtawh tuitung hongpai uh hi. Khuamial ciangin tui lai zang dong gunkuang tung ta a,Zeisu ahih le mualtungah thungen in omlai hi.Tua laitak in hun khauh mahmah ahih manin huih in agunkuang uh leh mut in hot zolo in buai mahmah uh hi.

          Zeisu in anungzui ten bang haksat na tuak  cih thei hi.Amah zong anungzuite kiangah pai dingin hong ki tawi hi. Ahi zongin a man gunkuang nei lo hi.Amah gunkuang kisam sese lo, Amah tuitung ah lampai thei hi.Tua hun pen zingsang lam nai thum le nai guk kikal khawng ciangin anungzuite kiang lam manawh in tuitungah Zeisu hongpai hi.

          Ahi zongin nungzuite in kua hiam cih theilo uh ahih manin,khuazing lak ah tuitung tawnin hong pai a muh uh ciangin lau mahmah uh a, “sikha hi,” ci-in ngaihsun uh ahih man in a lau manin a awng uh hi.

            
          Zeisu in amaute hopih pah a, “ na lungsim uh hangsak un kei mah ka hi hi. Lau kei un,”a ci hi.

         Tua ciangin Peter in, “Topa aw, nang na hih takpi leh, tui tung tawn in nang kiangah Kei zong hong paisak in,” a ci hi.

         Zeisu in, “hongpai in,” acih ciangin Peter zong gunkuang tung panin kum khia a, Zeisu omna lam manawh in apai hi.A nungzui dangte in lamdang samahmah in kuamah paulo in en gige uh hi.

      Peter zong Zeisu mitsuan in tuitung ah hong pai hi.A lawmte in en un Peter zong pai thei hi. Ci- in lamdang asak mahmah uh hi.Zeisu bek mitsuan in a neih lai teng Peter tuitung ah pai thei a, Ahi zongin   huihpi nung a et ciangin lau a, tui sungah tum dektak ahih manin, “ Topa aw,hong hon in.”a ci hi.

               Zeisu in zong akhut khak in Peter Len a, “ upna cingtaak lopa aw, bangci-a hong Tua ci muanlah na hi hiam?” a ci hi.

       Gunkuang tungah a kah toh khit uh ciangin huihpi nung a dai hi. Tua ciangin gunkuang sung a om nungzuite in Zeisu bia uh a,”Pasian tapa taktak na hi hi.” ci-in a gen uh hi.

       Tua hi a, eite zong Zeisu bek mah mitsuan in i nuntak ding hongdeih hi.Aman nang hong lung himawh in hong en tawntung a,haksat na na tuah ciangin hong huh dingin ki gingsa in om den hi.