MIPIL LE MIHAI

                  MIPIL PA LE MIHAI PA 

                       (Luka 6:46-49)

Matthai 7:12

             Note tungah hong kibawl ding na deih bangun midangte tungah na bawl un.

 

          Jame kici naupangno khat om hi. Amah pen pil in,a melzong hoih a,bawlung suih zong Siam mahmah hi.A hi zongin aman’ a sangkah pih a lawmte thusim lo-in kipha sak mahmah se hi.Numei te bang asampan khawng kai-in simmawh bawl hi.

      A bawlung suihpih a lawmte lak ah Jonny pen a man mudah phadiak in Jame in “Jonny ken nang ong deihkeng nang tawh kimawl nuamkeng”cin phin  tawntung se hi.

        Jame pen tua bang ahih hangin nipi sim in kikhawm den Sunday school zong pai den naupang khat hi.

         Nipi ni khat asiamah nun’ “na ngai vo mai nipi ni ciang nalawm te uh na ngah zahzah uh Sunday school hong pai pih un midang tam hong paipih peuhpeuh letsong thupi mahmah pia ding” ci hi.

       Tua leh Jame in “tua pen kei hi ning” cin ong awng vat hi.Tua leh numei no khat in hih pa bang hang awng hiam?Ken amah letsong ngahsak nuam lo” cin a lungsim ah ngaih sun hi.

        Tua ni a nitak ciangin James zong a setbing(bike) la in a veng teng ah pai kawikawi a, “nipi ni ciang kabiakinn ah hong zui in Zeisu thu sinding”cin mi te va zawn kawikawi hi. 

         A hih hangin nupi te le a naupang te in James pen abang ci mi cih thei uh ahih manin kua mah utlo uh hi.Tua leh a tawpna ah numei no khat in ken hong zui nuamlo hing bang hanghiam cih leh nang na ki mawl ciang ka u deihlo na hih manin ko zong nang hong zui kei nung cih san lai hi.

        James in “banghang kuaman kei hong zui nuamlo a hitam”cih thei zolo in ngaih sunsun hi. “Kei lai zong pil inga,bawhlung lasiam,ka Mel lah hoih mahmah a aw! mite simmawh ka hih man kuamah kei tawh pai nuamlo,kuaman kei hong ngailo a hi ve maw.”cihphawk hi.

        Tua bang tengtawh nipi ni hongtung ta hi.A siamah nu thugen a Laisiangtho tangthu te hoih tak ngai gige hi.

      “Banghang kei tawh kuamah utlo cih theikha ning” ci-in James in ngaihsun hi.

         Asiamah nu zong thugen hong kipan a “tuni i gen ding thu pen Topa Zeisu in mipi te kiang ah agen thu hi limtak in na ngai un.Hih pen koi pan kimu thei hiam cih leh Laisiangtho busung ah ki mu hi ci-in a Laisiangtho bu hong lem hi.

         

         
       “Pasian thu bangzah a thupi ama thu iman ding hoih hiam cih thei theih nangin Zeisu in inn a lam minih tangthu tomno khat gen hi.

           Innlam hoih in suang omna zongin tua suangtungah a inn lam hi.Suang tungah inn lamin,a khuamkua ding suangsung thukpi tak to-in a phut pa tawh kibang hi.Tua pen haksa mahmah a, a hi zongin amah in a inn kipin akho ding deih a hih man in hoihtak in a hih hi.

   

              Ahai inn lampa a hih leh tuabang hilo in, a baih takin bulkip neilo sehnel tungah a inn lam in hun tawmno sungin a zo lel hi.

   
          Guah hong zu-in,tui hongkhang a,huihpi hong nung hi.

         Guah hongzu in tui a khan ciangin sehnel tung a ki lam inn asehnel teng tui-in tai  in tua inn kicim in ki sia gawp hi.

         A hih hangin suangtung a, ki lam inn ahih leh huih nung in guahzu a, tui a khan hangin Tua-inn bang mah cilo in suangtung a,inn lam mipil pa lung muang takin om hithiat hi.

         Ka kiangah hong pai a,ka thuhilhna za-in a zuite khempeuh pen kua tawh kibang hiam cih leh,suang tungah inn a lam pa tawh kibang hi.

        Ka thu za-in na zuih nak leh nang hong thahat sak ding hi.Mipil pa in  suangtung ah inn a lam bangin suangtung ah na nuntak na lam le teh haksat na khat peuhpeuh na thuah hangin na ki ling kei ding hi.

         A hi zongin,ka thu za napi azui lo mi-in sehnel tungah na nuntakna a lam na hi a, haksat na natuah  ciangin tua haksat na in nang hong vuknelh ding hi.

        Zeisu in Pasian itheih  nang leh midik in itna i neih theih nang,suangtung ah inn lam mipil pa mahbang in i nuntakna bulkip Zeisu tungah i ki ngak ding hong deih hi.

       Kei Christian hing nipi ni sim kikhawm ing Sunday school pai ing Pasian thu tam pipi sin ing ken Zeisu it ing na cih hang midang te tung ah itna na lah khiat theih naikei leh thungen inla Pasian kiang huh na ngen in.Topa nang mah ka gumpa hi teh ken kalawmte it thei nai keng itna hong nei sak in ci le uh teh a man hong huh ding hi.ci-in a siamah nu in gen hi.

         Tua ciangin Jame in zong ngaihsun dade in,a siamah nu kiang ah “ken Zeisu ka gumpa in sang nuam ing, ka gitloh na khempeuh lakha sak nuam ing,ka lawmte tung zong itna nei nuam ing”cin a gen ciangin asiamah nu lungdam mahmah hi.

         Asiamah nun zong  “lampi man kipat na hi. tu-in thungen ni ci-in thu ngen khawm uh a, Tua ni a kipan James zong kikhel in nidang a a itloh te zong it thei ta hi.

         A nipi kik ciangin a man a lawmte biakinn ah Zeisu  thu ngai dingin hong  paipih hi.Tua ni- in James in letsong ngah a tua sungah Laisiangtho zong pa hi Tua in bang hiam cih leh “ Note tungah hong ki bawlding na deih bangun midang te tungah na bawl un.” cih Pasian mammal a hihi.