KANA KHUA MOPAWI

Lesson 15: THE WEDDING AT CANA

                         Johan 2:1-11

Hebru 11:1

Upna nei icih ciangin i muh theih nailoh I lamette ngah takpi ding, ci-in muanna lungsim neihna a hihi.

Sinsaknop:Upna na neihnak leh Zeisu hangin na khempeuh piangthei hi.

    No party na pai ngei uh hia?Birthday party khawng? Mopawi e leh kua pai ngei? Mopawi ah bang bang teng ki hih  mi tampipi om in anlim khawng ki ne a hi na?Tuni a i sin ding pen Laisiangtho sungah om mopawi khat thu sin ding hi hang.Tua mopawi ah Zeisu le a nungzui te zong pai hi.

    

      Tua pen Galilee gam Kana khua ah hi a,Zeisu nu zong tua pawi  ah a om hi.        ( Johan 2:1-2 )

        Tua ni pen mopawi adingin a thupi mahmah ni le mopawi a man ni ding a hihi.Miten nuamsa in anne tuidawn in lungdam uh hi.

          Zeisu zong tua pawi ah aneu alian tawh kiho in nuamsa mahmah hi. 

            Mi khempeuh nuamsa in a om laitakin nasemte hong lưng himawh mahmah uh hi. Bang hanghiam cih leh a leenggahzu uh bei hi.

      Zeisu’nu in Zeisu pen Pasian Tapa cih thei hi.Tua ahih manin amah in “leenggahzu omnawnlo hi”ci-in Zeisu kiangah agen hi.Zeisu in, “Nu aw, bang hangin na lung hih mawh na hong ko zenzen na hi hiam? Keima hun tung nailo hi”ci-in a dawng hi.

             A hi zongin Zeisu’ nu in nasem te kiangah, “Ama honggen bangbang in gamta un”a ci hi.(John 2:2-5)

Banghang Mary in Zeisu kiang gen ahi tam?Banghang Zeisu in hih thei ding cih un atam?Mary in Zeisu pen tel mahmah hi. Ama sungpan suakin aneutung pan akep a hi hi.Zeisu in na khempeuh hih thei ding cih Mary in muang hi.

Tua leh upna acih bang atam?Upna nei i cih ciangin i muh theih mai loh i lamette ngah takpi ding, ci-in muanna lungsim neihna a hi hi.(Hebru 11:1)Tua hun in Zeisu in nalamdang bangmah bawl nailo hi ahih zongin mary in bawlthei ding cih um in muang hi.

            Zeisu in nasemte kiangah, “Tua thambeelpite sungah tui a dimin koih un,”ci-in a sawl hi.Tua mah bangin a dim sitset in tui a koih uh hi.

            Tua ciangin Zeisu in, “Tu-in tui pawl khat suak unla, zuphung pa kiangah va paipih un,”a ci hi. Amaute in zong tua mah bangin paipih uh hi.(John2:8)

Amau te khat le khat ki en uh a, banghang lengla te tui bek tawh vak ding i hiam ci- in lam dang sa mahmah uh hi. A hi zong in amau Zeisu thu mang uh hi.

Zuphung pa in leenggahzu a suak tui a ciap ciangin,(tui a sung nasemte in a theih hangin) koi pan in ki ngah ahi hiam,ci-in thei lo ahih manin zi nei tangval pa sam in,

            “ Midangte in leenggahzu khumte hawm masakin nei uh a,mite in akham gawp khit uh ciangin a ngeina te hawm pan uh hi.A hi zongin nang mah in akhum pen teng tu dong na sitlai hi,”a ci hi.(John 2:9-10)

           Zeisu in nalamdang a bawl masak pen Galilee gam Kana khua ah hih bangin Pasian’ pianzia aneihna ki lang sak a,a nung zui te in zong a mah a um uh hi.(John2:11)

            Tua hun a nalamdang te a bawl Zeisu in tu hun in zong  nalamdang te a bawl lai a hihi. Nang na mit tawh na muh loh hang na biltawh na zak loh hang Zeisu nalamdang bawl lai hi.

1.Zeisu le anungzuite bang pawi ah pai hiam?

2.Kua upna hangin Zeisu na lamdang bawl kipan hiam?

3.Hih pawi ah Zeisu na lamdang bawl bang hiam?

4.Zeisu in na lamdang abawl masak pen na mun koi teng hiam?