A MANGTHANGTE A IT ZEISU
luke 19:10
A mangthangte azong ding le a hon khia dingin Mihing Tapa ahong pai ahihi.
1.Mi khempeuh in zeisu zui
Tuma kum 2000 val lai,Pasian Tapa Zeisu leitungah mihing bang in a om lai in amah in thu a hilh ciangin mite teltheih ding in genteh na zang in thugen hi.
khatvei, Zeisu thugen a ngai dingin siahdongte le mawh neite tampi tak a hong pai uh hi.Farisi mite le thukham hilh siate phun uh a,"Hih mipa,mawhneite tawh kikhawlin an nangawn nekhawm hi,"aci uh hi.
2.Tuu mang thugentehna
Tua ciangin Zeisu in amaute kiangah thugentehna khat gen a,
"Mi khatin tuu zakhat nei hi,tua atuu te aman it mahmah ahih man in gamsa ten a nek loh nang a manthan lohnang in lim takin kem in don hi."
Tuu neipa in nitak ciangin atuu kong hong in atuu te sim hi.sawmkua le kua bek na om! a tuu khat mang cih a theih ciang tuu neipa dah mahmah ding hi.
Tua ciangin tuu neipa in a tuu thumang a, a om sawmkua le kua teng nusia-in a mang tuu khat azong ding in kuan khai in a muh mateng zong kawikawi hi.Bang hanghiam cih leh aman a tuu it mahmah hi.Tua mah bangin Jesuh in zong nang hong it mahmah hi.
Atuu azong ding in mualtung a hi a guamsung a hi zong in zong kawikawi a,a muh mateng azong hi.
Tua tuuno zong a mahbek gamlak ah om in lau mahmah a "baa baaa"ci- in ong kapkhia hi. aw! kei hong cingpa ka topa kiang naih a ka om loh aw ci- in hong ki sik mahmah hi.
Tua tuuno i kiko na kisik a, a ot na a topa ahi a neipa in a zak ciangin tua aw ging lamah hong pai a, a mangsa tuuno a muh ciangin nakpi tak in lungdam a, a liangko ah pua-in inn ah a ciahpih hi.Inn atun ciang in a lawm te le a veng te samin, 'amangsa ka tuu mukik ka hih manin ka nuam mahmah hi.lungdam na pawi bawl ni' ci ding hi."ci-in thu gen tehna tawh a gen hi.
Tua mah bang in nang zong kisik kik na tawh Jesuh na zuat ciang in kisik kik a kullo te sangin mawhnei mi khat a kisikna hang in vantung ah lungdamna lianzaw ding hi.
0 Comments