ZEISU ( Nang banglian naupang hoih)

Luka 2:52

 Jesuh a pumpi le a pilna khang a, ama gamtatna in Pasian le mite a lungkimsak semsem hi.

1.Egypt ah tai na

Bethlehem panin mipil te aciah khiat uh ciangin Joseph mangsung ah vantungmi in,“naupang le anu Egypt ah taipih in bang hanghiam cih leh Herod in naupang thatdingin zong hi.”ci-in agen hi.

 Tua ciangin Joseph zong tho in kithawi a,naupang le anu tawh Egypt lam zuanin a paikhia pah vingveng uh hi.

Egypt ah tawlkhat a om khit uh ciangin  vamgtungmi in Joseph mangsung ah hopih kik a, “Tu-in naupang a thatnuam te si khin zo ahih manin tho inla naupangno le a nu Israel gamah ciahpih in,”aci hi.

Tua thu azak uhciangin nuam mahmah uh a,lawp tak in avan uh thawi in Israel gam a zuan uh hi.A hi zongin Herod tapa in Judah gam uk cih azak uh ciangin tua gamah ciah ngamlo in, Galilee gamsung ah lut in Nazareth khua ah ateng uh hi.

2.Zeisu zong nang dan lian naupang hoih hi.

    Zeisu a naupang lai  kua tawh kibang in na uma,amah zong nang mah bangin a ithuai mahmah naupang no khat hi.Amah pen naupang dang te mah bang in a lawmte tawh kimawl in damdam in hong khang toto hi.

         Naupang dang te tawh aki batloh na khatbek om a, mawhna bawl ngei lo alawm te tawh zong ki tawng ngeilo hi. A nu le pa thumang hi.khemna zang ngeilo in apha a agam  ta tawntung hi.Amah pen Pasian Tapa ahih mah bangin aneu lim in pil in zong cidam in thahat hi.

   Zeisu in sanggam pasal leh sanggam numei zong nei a amah  a upen ahihi.Ahi hang in asanggam te pen Mary le Joseph ta hi uh a, Amah pen apa Joseph hilo in Pasian ahihi.Joseph pen zeisu adingin akem pa(foster)bek ahihi.A innkuan un anne khawm tuidawn khawm in nuam samahmah uh hi.

       Amah in anu thumang in apa thu zong mang hi. Amah in thuman na in Pasian lungdam sak cih thei a, thuman’ zong nuam sa mahmah hi.

2.Zeisu in apa nasep huh 

Zeisu pa Joseph pen carpenter (lettamaa)khutsiam khat hi a, amah in sing tawh tutphah,sabuai le atuamtuam inn aa kipan bawl in tua tawh akivak ahihi.Amah pen mihau khat hilo in ahizong in asep sa tawh a innkuan nei ding kiciang tak in azek hi.Zeisu hong gol ta a, amah in apa Joseph nasep te ahuh hi.

        Nang zong Zeisu mahbang in na nu le na pa nasep te huh in ongsawl bangbang mang le cin na nu napa lah lung dam ding a, Pasian zong lungdam ding hi.

Jesuh mah bangin eite zong Pasian le mite a lungdam sak nuntak na i hih theih nang hanciam ciat ni.