ENOK PASIAN TAWH KIKHAWL

             ENOK PASIAN TAWH KIKHAWL

Laisiangtho  

                Hebru 11:6@

                              Upna lotawh kuamah in Pasian

                              lungkim sak zolo hi.

                              

                        

        

      

     Cain in asanggam pa Abel athah khit ciangin Adam le Eve te in Seth kici tapa khat hong nei uh hi. Eve in “Abel tangin Pasian in kei adingin naupang khat hong pia hi,” ci-in lungdam mahmah hi.

      Pasian in mihing  a bawl in amah tawh aki sunin a bawl hi a,amah in numei le pasal bawl in tua te pen “ mi” ci-in thupha apia hi.

       Tua khit ciangin Seth in zong Enosh kici tapa khat nei hi.Enosh hun ciangin mite in Pasian minlawh hong ki pan uhhi.

        

ENOK PASIAN TAWH KIKHAWL PA

     

     Hunte hong paipai in tu-in Pasian a it Pasian azahtak mipa khat om hi. Tua in Enok akici mikhat ahihi.laisiangtho sung ah “Pasian tawh lampai khawm” kici hi.Enok pen mi dang tawh kibanglo in Pasian thumang in mawhna bawllo in asia gamtat na pel in, Pasian a um Pasian alumgkim sak mipa ahihi.(HEBRU 11:5-6)Amah pen Pasian tawh kikhawl in Pasian tawh lampai khawm ci ngiat mawk hi.

        Enok pen Adam pan khang sagih na hi a,amah Pasiang lungkim sak pa ahih mahbangin amah in “En un, Topa ami siangtho honpite tawh hong pai ding a,Pasian deih bang in agamtat loh na hang uhle kam hoih lopipi zangin Pasian agensiatnate uh hang in Pasian’deih na bangin agamta lo mite thukhen in mawhsak na pia ding hi.”aci hi.(JUDE 14-15)

      Pasian tawh kikhawk icih ciangin " i lawm it penpen te tawh iki kholh dan mah hipah hi.I lungsim khempeuh ki gen in ,lungkham na ahi a,lungdam na ahi zong in iki kuppih thei lawm hoih bang ahihi.Tua mah bang in Enok zong Pasian tawh aki khawl ahihi.

       Zeisu hangin eite zong tu-in Pasian tawh lawmta bang in a kikhawl theih i hihi.Pasian kiang ah ilungsim khempeuh sung khia in lungkham hun lungdam hun in amah kiang ko in nai tak in aki ho thei te ihihi.kua ma kiangah igen ngamloh thu te zong Pasian kiang ah gen in thu ki kum khawm thei hi hang, bang zah in lungdam huai hiam?

3.Enok te innkuan

 Enok in tapa khat nei a amin ding in Methuselah aphuak hi.Methuselah suah khit ciangin Enok kum zathum sung Pasian tawh kikhawl hi.Methuselah pen kum 969  nungta a, laisiangtho sung ah kum tam anungta penpen zong ahihi.

4.Enok ki munawnlo

         Laisiangtho sung ah nidang lai mite pen kum tam pipi nungta in, khansau thei mahmah in tua khit ciangin si uh hi.Ahi zong in Enok ahih leh atuam pian khat ahihi.Amah pen midang te  bang in silo in Pasian tawh lampai khawm in a hingtang in vantung akah pa ahihi.(Piancil 5:24)