HAGAR LE ISHMAEL

                ABRAM,HAGAR LE ISHMAEL

Laisiangtho kamngah

           Paunak 3:5

                Na lungsim khempeuh tawh Topa muang inla nang theihna suang kei in.

          

1.Abram le Sarai teekta 

              Pasian in Abram tungah mitampite pa hong kici ding hi ci napi’n,tuin amah le azi Sarai teekta a,amau te in ta nei nailo uh hi.

2.Abram’ zi dingin Hagar kipia

               Sarai in  Abram kiangah “tu-in kei teekta ka hih manin ka sila numei kiangah lum in.Ama sung panin keimah in ta anei ding ka hi kha dinghi,”aci hi.Abram in zong Sarai thu amang hi.Tua ciangin Hagar onggai in,agai lam akitheih ciangin kiphasakin a tonu asimmawh hi.

             Tuabang a,asimmawh ciangin Sarai in Abram kiangah gen a,Amah in “nasila nu nangkhutsung ah om hi na utbangin bawl in” aci hi.Tuaciangin Sarai in amah gawtbawl a,Hagar zong atai khia hi.

3.Hagar kilehkik 

              Topa vantungmi in Hagar mu a, 

             “Sarai sila numei Hagar aw,koipan hong pai a,koi ah pai ding na hi hiam?”aci hi. Amah in, “ka tonu Sarai kiangpan in atai khia ka hihi,”aci hi.

            Tuaciangin Topa vantungmi in “na tonu kiangah ciahkik in,na suanlekhakte nakpi takin tamsak ding ka hih manin amaute kisim zolo dinghi,”a ci hi. “Tuin nau napai a tapa khat na nei ding hi. Ama min Ishmael na phuak ding hi.”aci hi.

4.Ishmael suah na

                 Tuaciangin amah in Topa vantungmi thumang in kilehkik a,tapa khat nei in ama min dingin Ishmael aphuak hi.Ishmael asuah in Abram kum sawm giat le guk apha hi.

Piancil 16:1-15