ABRAM’ TUNGAH TAPA KHAT KIKHAM

 Lesson 7,Part 1

ABRAM’ TUNGAH TAPA KHAT                            KIKHAM

Laisiangtho kamngah

          Piancil 18:14 

                     Na khat peuhpeuh Topa                        ading in haksa lua ahi                         hiam?

1.TOPA in Abram hopih

             Topa in Abram kiang ah"Abram aw, lau kei in.Keimah in lauhuaina panin nang ka hong hu ding a,na thaman lian mahmah ding hi,"a ci hi. 

         A hih hang in Abram in,Topa  Pasian aw, bang hong pia ding na hi hiam?Ta nei loin ka omlai hi.Ka inn aluah ding pen Damaskas mi Eliezer ahi hi.Ta nong pia kei a,ka inn sunga asuak sila in keima gamh a luah ding hi ta hi,"a ci hi.

2.Abram tung kamciam kipia

            Tua ciangin Topa in "Eliezer pen nangma gamhluah ding hilo ding hi.Nangma tapa mahmah na gamhluah pa hi ding hi,"aci hi. Vantung lam enin aksite sim in;na sim thei hiam?Na suanlekhakte, tua mah bang ding hi,"a ci hi.

             "Hih leitang na neih nadingin nangma tungah ahong pia ding in khaldea gam Ur khua panin hong paikhiatpih pa pen keimah na Topa ka hihi,"a ci hi.

           Amah in "Topa Pasian aw,keimah in tua leitang ka neih na ding bangci theih ding ka hi hiam?"a ci hi.

3.Abram in Pasian cih bang in sem

            Topa Pasian in"kum thum apha bawngla khat, kum thum apha keelnu khat,kum thum apha tuutal khat,vakhu khat le kawl vakhu khanglai khat hong paipih in,"a ci hi. Amah in Pasian kiang ah hihte paipih a vasa te lobuang, phal nih ciat suahin,a thuap hi.

          Sasial ne vasate tua sate tungah hong tuk suk ciangin Abram in tuate a hawlkhia hi.

4. Abram suanlekhak te Salsuah            ding kigen khol

            Ni a tum ciang in Abram a ihmut suak a,khua mial ahih man in alau mahmah hi.Tua ciang in Topa in Abram kiang ah, "Nasuanlekhak te amau' leitang ahi lo munah tawlkhat sung omin, amaute kum zali sung ki nengniam ding ahihna thu akitel theih na thei in.

         Ahi zongin na a sepsak uh minamte' tungah thukhenna ka tungsak ding a, tua khit ciangin neihsa tampi tawh amaute paikhia ding uhhi.Nang na hih leh nuamtak in na pu na pate kiang na zuan ding a, khan kicing in hong ki vui ding hi.Khang lina ciangin hih lai munah amaute hong paikik ding uh hi.Bang hang hiam cihleh Amor mite' mawhna kicing nailo hi,"aci hi.

             Ni tumin khua amial khit ciangin,en in,hih sate kikal ah mei beel khu le akuang meivak apai hi.

Tua ni-in Topa in Abram tawh thuciamna khat bawl a,"Nasuanlekhakte tungah hih leitang ka hong pia hi," aci hi.

5.Pasian in cipeuh leh apiang theilo      ding om ahi hiam?

          Tua hun laitak in Abram le azi Sarai tanei nailo in tek mahmah ta hi.Pasian in tapa na neiding hi ci-in akam ciam hongtung nailo a ahi zongin Sarai tanei ding in tek ta hi.

Piancil 15:1-21