ABRAHAM UPNA KI ZE-ET

                          ABRAHAM UPNA KI ZE-ET

Laisiangtho kamngah

                Piancil 18:14

                         Na khat peuhpeuh  Topa adingin haksa                             

                         lua ahi hiam?

1.Pasian in Abram tawh thuciam bawl 

               Pasian in Abram kiangah “nang pen Abram hi nawnlo in  mikhempeuh pa acihna Abraham hong kici ding a, na zi Sarai hi nawnlo in Sarah kici ding hi. Bang hanghiam cih leh amah thupha ka pia ding a minam  te nu hi ding hi.”aci hi.

2. Isaac suah ding Kigen

                     Ni khat, Abraham a puanbuk Kong gei-a tawlnga in aom hi. Tua laitak in khe ging za a akhuadak leh ama mai-ah mi thum na ding hi.Tua mi thum te kiang ah Abraham pai-in “ka tote aw,tu in hi lai ongtung khia na hih man un hongkheng kei un.an tawm khat ka vala ding hi tua kikal in tui la in nakhe uh silin,singnuai ah khawl un, tua khitciang in paisuak  un,”acihi. Amau te in zong “nang cih bang in hong hih in”a ci uh hi.

                   Tua ciangin Sarah in tua mithum te ading in  annel la in moh in abawl hi.Abraham in bawnggo in in bawl a, tua mithum te in ane  uh hi.Amau te khat in “tuzawh  kha kua khitciangin kong paikik  ding a na zi Sarah in tapa khat nei ding hi”ci in agen hi.Sarah in zong za-a amah anui hi.Bang hang hiam cih leh amah teekta hi.

            Topa in “banghang in sarah nui ahi hiam?Na khat peuhpeuh Topa ading in haksa lua ahi hiam?a ci hi.

3.Isaac suah na

                   A gensa mah bangin khakua khit ciang in Sarah in tapa khat hong nei in,Amin Isaac aphuak hi.

4.Pasian in Abraham ze-et

                Nikhat Pasian in Abraham ze-et hi.Pasian in Abraham kiangah “na it na tapa neihsun la inla Moriah gam a mual tung ah mei-hal biakpiak na in amah hong pia in,”aci hi.

                   Abraham in meihal biakpiak na pia ding in ipai ding hi ci-in Iseec asam  hi.

                   Tua ciangin Abraham in meihal biakpiak nading sing la in Iseec’tungah suan a,amah in akhut sungah mei leh temta atawi hi.Iseec in pa aw meihal biakpiak na ding sing leh mei omhi. Ahih hang in tuuno koi ah om ahi hiam?aci hi.

                Apa in,”Pasian in meihal biakpiak nadingin ama ading tuuno hongpia ding hi,ka ta aw,” a ci hi.Tua bang in amau tegel paikhawm uh hi.

         

               Pasian gen na mun atun uh ciangin, a ngeina bangin biak natau bawl in sing koih a, atapa Iseec hen in tua singtung ah akoih hi.Tua ciangin Abraham in atapa athat ding in tem la a, tua laitak in,vantung pan aw khat hong ging in, “naupang bangmah cih kei in bang hanghiam cih leh nang in Pasian na zahtak na tu-in ka thei a,na tapa khat neihsun kei ma ading in na humcip loh lam tu-in ka mu hi,”a ci hi.

                

                 Tua ciangin Abraham khuadak a,  Tuutal khat akii a,a-awk amu hi.Amah in tua tuutal la in atapa taang in maihal biakpiak na in apia  hi.

                    Vantung pan in Topa vantungmi in, “kei mahmah kong  kiciam hi Topa in ci hi.nang thupha kong pia taktak ding a, nasuanlekhak te van a aksi zah leh tuipi gei a sehnel bang in tampi ka pha sak ding hi.Na suanlekhak te in amau gal te khuapi te luah ding uh a, na suanlekhak te thupha ka piak bang in leitung mite in thupha a ngah nading un hong ngen  ding uh hi.Bang hang hiam cih leh nang in ka thu na mang hi.”a ci hi.