Tuiciin tunna

 lesson 4,part 2

          TUICIIN TUNNA

laisiangtho kamngah 

               Rom 12:21

                    Gitlohna kizosak kei unla, a pha                        gamtatna tawh gitloh nate azo                            na hi ta un. 

1.Teembaw sung ah kua teng lutthei ding

         Pasian in Noah kiangah, nang leh na zi,na tapa te leh amau te zi te tawh  teembaw sungah na paikhawm ding uh hi.Nuntak na anei khempeuh zong nangtawh anungta khawm ding in nam khat ah kop khat ta napaipih ding hi ci hi.Nek theih an nam khempeuh zong la in la,khol in.aci hi. Noah in zong Pasian thupiak khempeuh a hih hi.

 2.Teembaw sung lut na

              Tua ciangin Topa in Noah kiang ah,"nang le na innkuan pih mi khempeuh teembaw sungah pai un.Ganhing siangtho nupa  kop sagih, ganhing sianglo nupa kop khat,huihlak vasa te zong nupa kop sagih amau namciat aman' thanloh na ding in la in, cihi. Bang hang hiam cih leh nisagih sung in, sun 40 leh zan 40 sung leitung ah guahzu ziahziah ding a,kabawl sa lei tung ah nuntak na anei khempeuh kaphiat khia ding hi", aci hi.Noah inzong Pasian thu mang in ama cihbang in ahih hi.

3.Teembaw kongki khak ta

              Noah leh ama innkuan pih khempeuh (mi 8 ) le ganhing te akop in teembaw sung ah hong lut uhhi.Mite in tua thupiang lamdangsak na tawh en gige uh hi. Teembaw sung ah alut gaihkhit uh ciangin, Topa  in kong a khaknelh hi. 

4.Guah hong zuta

              Tua khit ciangin, vantung te kihong in guah hong zu a leitung ah tui hong tam semsem hi. Gunte ah tui dimlet in  bualte zong tui hong let a mun khempeuh ah tui dim hi.

  

5.ziakai luata

             Tu- in migilo le nui nawnlo uh a,amilim te kiang ah thungen uhhi.Ahizong in amilimte un huh theilo in,amilim te uh tawh, tui in tai mang  hi.Noah in Pasian thu agengen lai in umnuam lo,mang nuamlo a anuih sansan na te uh kisik kik uhhi.Ahizong in ziakai luata ahih man in amau te tui in tum in asi mang gai uh hi.

6. Teembaw sung ah

                 Tu-in teembaw sung ah Noah'  innkuan pih te leh ganhing namkim te om uh a amau te Pasian vantungmi in lem gige hi. Tua mah bang in eite zong pasian in hong  ciang hong kem  gige tawntung ahih na thei in lungmuang tak a i om ding ahihi.

 

Naupang te ading dot na tomo

1.Bang hang in Pasian in tuiciin tungsak        hiam?( leitung mi te athu manloh man)

2.Pasian in Noah bangbawl ding in sawl hiam?( Teembaw)

3.Noah kiang ah Pasian in 2 ta 2 ta in bang pai sak hiam?(ganhing te )

4.Sun bangzah le Zan bang zah leitung ah guah zu hiam?( 40)

5.Tuiciim in bang tuamcip hiam?( leitung a na khempeuh)