tembaw sungpan pusuah na

 lesson 4,part 3

          TEEMBAW SUNG PAN PUSUAH NA

Laisiangtho kamngah

             Kolose 3:2 

                       Vantungah a om thute ngaihsut                          in nei unla, leitung ah a om                                thute ngaihsut in nei kei un.

1.Leitung khempeuh tui intum

      Leitung ah tuiciin ni sawmli sung om den hi.Tui tam semsem a,teembaw laam to-in, leitung' tungah khang hi.Leitung khempeuh  tui-in tum cipkhin ta a,tui tung ah teembaw pi bek om lai hi. leitung a, om nuntak na anei mihing,ganhing khempeuh simang khinta hi.Tuihual te tungah teembaw bek laamlaam in bangmah dang kimu nawnlo hi.

     2.Pasian in Noah phawk

           Pasian in Noah le amah tawh teembaw sung a om innsa te le gamta te phawk ahi man in, leitung ah huih nungsak a,tui te damdam in hong kiamkiam ta hi.

3.Teembaw Ararat mualtung ah

        Tui te ong tawm semsem a,tembaw zong Ararat  mualtung  ah ong khawlta hi.Tua ciang in Noah in teembaw  paden( window) neu pan khuadak in aen hi. leitung ah guahzu nawnlo a, ahizong in tui omlai( kangsiang nailo) ahih man in amau te teembaw sung ah omlai uh hi.

4.Va-ak khat le vakhu khat

         Ni khat Noah in va-ak khat khahkhia a,tua va-ak zong leng kawikawi in ahizong in a om na ding mun omlo ahih man in hong tukik zel leng kik zel hi.

             Tua khit ciang in Noah in leitung ah tuite kiam khin nai hiam cih theih na ding in Vakhu khat khahkhia a, 

tua vakhu zong leng leng in a khawl na ding munkeu mulo ahih man in  teembaw pi mah hong zuankik hi. Noah in akhut khak in teembaw sung ah akoihkik hi.

 5.Anih vei na vakhu      

             Tua zawh ni sagih khit ciang in vakhu khat kikhah kik a tua vakhu valeng kawikawi in akhawlna ding mulo ahih man in nitak ciangin vakhu hong ciahkik a, olive teh atukkhiat thak amuk ah hong tuah hi.

7.Athum veina  vakhu

              Athum vei na vakhu kikhah kik leuleu a tua vakhu lengleng in hongciah kik nawnlo hi.Noah ong khuadak a lei maitang keu ta hi.Ahi hang in teembaw kongkhak te ki hong nailo ahih man in amah in kongkhak ki hon ding a ngak hi.

8.Teembaw kong ki hong ta

              Pasian in teembaw kongkhak te hong in Noah le a innkuan pih te hong pusuak khia uhhi.

            Ganhing  te zong amau nam ciat in akopkop in hong pusuak uh hi.Amau te in omna ding munkeu hong mu uhhi.

9.Pasian biak na tau

                 Teembaw sung pan apaikhia  Noah le ainnkuan pih te in ganhing siangtho te la -in meihal biakpiak na apia uh hi.

                 Tua in Pasian lungdam sak mahmah hi.Pasian in amau te tung ah kamciam khat apia hi.

10.Noah tawh Pasian thuciam na

           

                   Pasian in Noah le teembaw sung pan hong pusuak khempeuh te tung ah kamciam khat pia a,tu aki pan in leitung susia ding in tuiciin ka tun sak ngei nawn loh nading in no te tawh ka thuciam ka kip sak hi acihi.

                  Pasian in ama kamciam ih phawk tawntung ding deih hi. Ama kamciam i phawk tawntung theih na dingin Pasian in vantung ah sakhi-tuihup(rainbow) koih hi.Tua sakhi-tuihup i muh sim in Pasian in akamciam pelh ngei lo hi cih ih theih hi.

              Tua mah bang in eite zong i kamciam i pelh ngeilo ding Pasian in deih hi.
 

NAUPANG TE ADING DOTNA

1.Koi teng ah teembaw ong ki nga hiam?

    (Ararat mual tung ah)

2.Olive teh tawh hong kileh kik pen bang            hiam?(vakhu)

3.Noah te innkuan teembaw sung pan           apusuah khit uh ciang bang hih masa pen       hiam?(meihal  biakpiak na pia)

4.Pasian in Noah tawh athuciam I phawk       nading in vantung ah bang koih hiam?

  (sakhi-tuihup )

 Piancil 9:13

            Meii sungah ka sakhi-tuihup ka kai sak a,tua pen kei leh leitung kikal ah ka thuciam hi ding hi.