NOAH LEH ATEEMBAW

lesson 4,part 1

                      NOAH LEH ATEEMBAW

laisiangtho kamngah

          Rom 12:21

                  Gitlohna kizosak kei unla,a pha                         gamtatna tawh gitlohnate azo                             na hi ta un.

 1.  Mihing gitloh na                                                           Nidang lai in ah,leitung ah mite  tam ding in hong kipan a, tua hun laitak in mite in a ut bangbang un gamta in Pasian zong phawklo uh hi.Amau te in siat gamtat dingbek nuamsa uh a,leitung gualnop na te bek ngahsut in nei uh hi.Tua ahih man in Pasian in mihing abawl khial kisa hi.Tua ciangin Pasian in kapiansak sa mihing,ganhing khempeuh leitung pan in ka phiatkhia ding hi amau ka bawl ka khial  hi cihi.

2. Pasian a it Noah                                                       Leitung mite in Pasian lungdam saklo in amau ut nabek thupi sak uhhi.                                 Tua hun laitak in mihoih Pasian azahtak mikhat om a tuapa pen Noah ahihi. amah in tapa thum nei a amau te in Shem,Ham le Jafeth  ahih uh hi.

                   3.  Tuiciin tun ding kigen khol                                                 Pasian in Noah kiangah,"mi khempeuh beisak ding ka khensat zo hi; bang hang hiam cih leh amau'hang in leitung ah ngongtat na kidim hi.En in, leitung tawh amaute ka susia khawm  ding hi."(Piancil 6:13)aci hi.Pasian in leitung ah tuiciin ka tungsak ding hi.leitung ah a om khempeuh siding hi acihi.

                                      

4. kisik kik ding Noah in gen 

                 Noah in, Pasian gen thu te mite kiang ah gen in note kisik kik in khukdin in thunget un Pasian in hong maisak ding hi acih hang in amau te in umlo uha ana zahko zawsop uhhi.

5. Pasian in amah abelte adinggelna nei

                Pasian in Noah kiang ah nang leh na innkuan pih te na suahtak theih nading un  teembaw bawl in ci-in abawldan ding khempeuh teltak in agen hi.

6. Thumang innkuan te

                 Noah in Pasian gensa mahbang in atate  tawh teembaw bawl hongki pan ta uhhi.Noah in Pasian thumang in ama genbang  umin asep mahbang in atapa te Shem,Ham le Jafeth te in zong apa thu mang in apa cih bang in sempah uh hi.

7. Mite tung ki ngalo a Pasian amuang tinten       Noah

                   Noah le atapa te in teembaw hong bawl uhhi. Tua lai ah a om aveng te in "bang bawl na hi uh   hiam?"ci-in dong uh a Noah in "tuiciin tun' cianga ka om nading uh teembaw abawl ka hi uhhi" acih ciang in umlo in anuihsan uhhi.

               Mite in "kua in, tuiciin tungding ci ahihiam?" ci in zahpih natawh dong uh a, amah in"Pasian in hong gen hi,"ci hi.Amau te in Pasian umlo uh a,milimte abia uhhi.

              Noah in aveng te kiang ah "note in milim bia nawnlo in Pasian um in bia un tuiciin hong tunciang na milimte un hong honkhia zolo ding hi,"  ci-in  agen ciang in amaute khat le khat ki en in Noah haita hi ci-in a nuihsan lel uh hi. 

8.Pasian in ama aum te guaksuak ask lohi

          Tuin teembaw kizo ta hi.Hih teembaw pi in dawlthum pha in kong khak khat nei a akong khak ki hong sa in om hi. Mite in teembaw pi en in bang hongpiang peuhmah ding hiam? ci-in anui lel uh hi. Noah in tuiciin tung ding ngak in lungmuang tak in a om hi.

-Naupang te ading dot na pawl khat

 (Yes or No)

 

1.Noah mihoih khat ahi hiam?

2.leitung mite hang in Pasian heh hi.Banghang hiam cihleh mite asia in gamta khin uh hi.

3.Pasian in teembaw bang cibawl ding cih teltak in gen cian lo hi.

4.Tua teembaw in kong khak tampi nei hi.

 Piancil 7:5

           Noah in zong'

 Topa thupiak

 khempeuh ahih hi.