JOB KICI MIPA

lesson 6,part 1

                      JOB AKICI MIPA

laisiangtho kamngah 

                   korin nihna 5:7

                           Muhna hangtawh lungmuang in a om hi loin upna hang tawh lungmuang takin a om ka hi uhhi.                               

1.Pasian azahtak  mahmah mikhat

               Nidang lai-in ah, Uz gam ah Job kici minnei mi khat omhi.Tua mipa pen Pasian zahtak mahmah leh mi citak mahmah khat hi a, pau banglo in gamtat hoihlo peuh mah pel hi.

2.Mihau mahmah Job

             Tua Job in tapa sagih le tanu thum nei hi.Amah pen  hau mahmah a,nisuah na gam sung ah ahau pen khat zong  ahihi.

              Amah in tuu tul sagih,kalaoh tulthum, bawngtal kap za nga, leh nasem tampi tak anei hi.

3.Innkuan biakpiak na(siansuah na) athupi        sak Job

 

          A tapa te in innkhat khit innkhat abanban in pawibawl in pai kawikawi uh a,tua pawi asim ding in a sanggam numei thum te uhzong a sam kawikawi uh hi.

                 Tua bang pawi abawlkhit sim in Job in a tapa te samin amau te siansuah a,zingsang thobaih a ata phazah tawh ki zui- in  meihal biak na apia hi.Banghang hiam cihleh Job in "ka tate khialin,a lungsim sung uhah Pasian samsia khathei ding uh hi," aci hi.

3.Job aze-et ding in satan khuankipia

                 Ni khat satan in Topa kiang ah"na khutzan in Job neihsa khempeuh suksak lecin na maitang mahmah ah nang hong samsia pahding hi,"aci hi.Tua ciang in Topa in satan kiang ah"En in ama neihsa khempeuh na khutsung ah kong ap hi;ahi zong in amah taktak ahih leh na sukei ding hi."aci hi.Tua ciangin Topa omna pan in satan a paikhia hi.(Job 1:11-12)

3.satan in Job ze-et

          Ni khat, Job tate a upen' uh inn-ah an ne zu ne-in a om uhhi.Tua laitak in kamtai khat Job kiangah hongtung ," Bawngtal te in lo kho-in,tua te gei ah late gamta hi.Tua laitak in Seba mite ganhing te hongsut a,gancingte that khin uh hi,"Hih thu nang kiang ah ahing thei dingin kei kei bek kong suakta hi," aci hi (1:13-15)

               Amah in athugen akhit ma-in  kamtai dang khat hong thungin,"Vantung panini keek hong kia a,tuute le tuucingte kha-in kangtum uh hi.Hih thu nang kiangah a hong ko dingin keibek kong suakta hi."a ci hi.(Job 1:16)

           Tua pa in athugen akhit ma-in kamtai khat hong tung leuleu a,"  Khaldea mite honthum in kalaoh sut a, namsau tawh kalaoh tungtuang te  khempeuh that hi.Hih thu nang kiangah ahong ko thei dingin keibek kong suakta hi,"aci hi.(Job 1:17)

              Amah in athugen akhit ma in kamtai khat hong tung leuleu a,"Na Tapate le natanute a u pen inn-ah an ne zu ne-in om uh hi.Tua laitak in sehnel gam panin huihpi pingpei hongnung in a inn mutpai-in na tate denglum hi.Nang kiangah hih thu ahong ko thei dingin kei bek kong suakta hi," a ci hi.(Job 1:18-19)

4.Topa min phat veve

                Hih thu azak ciang in Job dah mahmah a,apuan balkek in asammet khia-in leilak ah boksuk in Pasian abia hi.

                 Tua ciangin amah in, 

"Ka nu sung panin guaktangin 

           kasuak a,

guaktang mahin 

kaciah kik ding hi

Topa in hong pia a,

Topa mah in hong lakik hi.

Topa' min kiphat ta hen,"a ci hi.

         Hih thu khempeuh ah Job khiallo a Pasian zong mawh saklo hi.

(Job 1:20-22)

5.Job pumpi satan in bawlsia

                 Topa in satan kiangah,"Thu omlo pai-in Job na susia  a, ahizong in amah upna bang mah hem tuanlo hi"a ci hi.Tua ciang in satan in,"tu-in a mapumpi mahmah suksak lecin nangma hong samsia pelmah ding hi," va ci leuleu hi.Tua ciang in Pasian in," En in, nakhutsung ah amah kong ap hi;ahi song in amah sinsak kei-in ," aci hi.

             Tua ciangin Topa omna pan in satan paikhia a,Job pumpi dim in akihhuai meima avei sak hi.ameima te thak lua ahih ma-in amah in bel kitam them la-in, vutlak ah tu-a ameima te akhat hi.

              Tua ciangin azi in,"Na upna khiam tuanlo ding na hi hiam?Pasian samsia inla sisuk mai in,"aci hi.Ahih hang in amah in azi kiang ah,"numei hai te 'kampau bangin na pau hi.Pasian tung pan ahoih sang ihih leh asia zong sianglo ding ihi hiam?"a ci hi.Hih thu ah akampau na ngawn in Job khiallo hi. (Job 2:9-10)

6.Job cithei kik

           Job a lawmte in zong nangma mawh na hang hi ci-in mawh sak uh a, ahi zong in Job in, Ama mawhna hang ahih loh lam tel hi.

 

              Job in bangzahtak in ze-et na athuak hang in,Pasian taisan ngeilo hi.Tua ahih man in Job nuntak na amasa sang in anunung lam ah thupha limpiak zaw hi. Amah in tapa sagih le tanu thum nei kik in nuamtak in anungta hi.

JOB 28:28

      "TOPA ZAHTAK NA,PIL NA HI A,SIAT NA PELH NA PEN THUTHEIH NA HI." 

   

NAUPANG TE ADING DOTNA 

1.Job in Pasian a it  hiam?

2.Job a ze-et(bawlsia) kua hiam?

3.Azi-in Job kiangah bang hih in ci hiam?

4.Atawpna ah Pasian in Job bang ci thupha piak hiam?