EDEN HUAN

                  EDEN HUAN

Rom 6:23 

Mawhna in thaman hong piak pen sih na hi a,ahi zong in i Topa Jesuh tawh i ki pawl manin Pasian hong piak khong pen nuntak tawntung na ahi hi.

EDEN HUAN

Pasian in  huan hoih mahmah khat bawl a,tua huan sungah pak hoih nono singkung namkim le aduh huai singgah tuamtuam te ahing dildial lopa te a po sak hi.

Tuahuan laizang ah sia le pha khentheih na singkung zong Pasian in po sak hi. Huan sung akawtsak dingin gun khatzong aluang hi.

Topa Pasian in Adam la-in, “ Adam hih Eden huanpen nang a ding hi a,hih huan cingin na kem ding hi.”a ci hi.

Tua ciangin Adam zong lungdam mahmah  hi.Pasian in, “Asung a om singkung gah khempeuh na utut in na ne thei ding hi.ahi zongin sia le pha theih na singkung gah pen na ne kei ding hi. Bang hanghiam cih leh Tua na nek ni-in na si ding hi,”a ci hi.

Bang hang Pasian in tuabang ci a tam?Pasian in Adam in bangzah a hong it a ka thu mang hiam cih thei nuam hi.

Topa Pasian in Adam a mah guak a omding hoih salo ahih manin, “Ama ading a kituak ahuh ding ka bawlsak ding hi,”ci -in a ma ading in Eve a bawlsak hi.

Adam le Eve te Eden huan sungah nuam takin om uh a, singgah lim nono te ne in nop sa mahmah uh hi. Adam in anek loh ding Pasian gen sia le pha singkung zong Eve kiang gen hi.

MAWHNA KIPAT NA

Ni khat Eve amah guak huansungah vak in sia le pha singkung po na gei lamah hong pai laitak in aw gingkhat za a, akhua dakdak leh ganhing lakpan  a ngiansiam pen gulpi khat mu hi.

Tua gulpi pen satan in azat ahi hi.Ganhing te pen pau theilo hi.puppet show na mungei uh na? Tua puppet show te ah a puppet te apai thei hilo in a puppet a tawi te pau hi zaw a en imuh aki lang pen aki zang lim bek ahi hi.Gulpi pau theilo a hi zongin satan in gulpi zangin Eve kiangah, “Pasian in,‘huan sung singgah khat peuhpeuh ne lo ding,’hong ci ahi hiam,”ci hi.

Eve in zong, “ Huan sung singgah te ka ne thei ding uh hi.Ahih hangin Pasian in huan laizang a om singgah na ne kei ding uh hi. zong na lawng kei ding uh hi.Tua bang hih le u cin na si ding uh hi.’ hong ci hi.” a ci hi.

Gulpi in, “ Tua pen Pasian in no ong khem hi na si kei ding uh hi.Tua singgah ne le u cin na mit uh kihong in na pil ding uh hi.” ci-in a khem hi.

Eve in atawpna ha satan khemna um in singgah hong ne hi.

A mahin Adam zong samin singgah pia a, Adam in zong tua singgah hong ne hi.

A nek khit phetun amau te gel in khua phawk uh a,a guaktang in a omlam uh ki thei uh hi.

Amau te a khem satan lungdam mahmah hi.Adam le Eve te maizum mahmah hi.

Amai zum sel na ding un theitehte khuituahin puan silh dingin a bawl uh hi.

Nitak ciangin Pasian ahong paina ging azak uh ciangin Topa Pasian muhloh dingin anih un huansung singte lakah a bu uh hi.A hi zongin Topa Pasian in mipa samin ama kiangah, “Adam!Adam! koi lai ah om na hi hiam?”a ci hi.

Tua ciangin Adam in, “ Nong paina ging ka zak uh ciangin lau-in ka bu uh hi. Bang hang hiam cih leh ka tangguak in ka om hi.”a ci hi.Topa Pasian in, “ Na tangguak a na om kuan honggen a hi hiam? Na nek loh ding singgah ne kha na hi hiam?ci hi.Adam in, “ kei tawh om ding a nong piak hih numei in ongpia a,ka ne kha hi.” a ci hi.

Topa Pasian in numei kiang ah, “Bang hang hi ci gamtat na hi hiam?”a cih ciangin numei in, “Gulpi in kei hong khem a ka ne hi.” a ci hi.

Adam in Eve khiat a Eve in gulpi khiat sawnsawn hi.Tua a nek na pan un mawhna hong ki pan hi.Pasian in a mai mawhna thaman bangin gimna a pia hi.

Na khempeuh a kicin na a nop mahmah Eden huan ah Pasian in Adam le Eve a tawntung in nuamtak tak om a omna ding un a bawlsak hi napi tu-in thuman lohna  hangin mawhna hong piang ta hi.

Pasian in Adam le Eve ading savun puan bawlin a silhsak hi.Topa Pasian in mipa kiangah, “Nang in ne kei-in ci a kong thupiak mang lo na hih man in na nuntak tawntung gimpi-in na semin na annek ding na zong ding hi.lei-ah na ciah kik mateng khu-ul kai -in na nasep ciang bekin an nane ding hi.” aci hi.

Numei kiang ah, “nangin naupai na ah gimna na thuak ding a gim pipi in nau na nei ding hi.” ci hi.

Gulpi kiang ah, “na gilpi in lam napai ding a, na nungtak sung tawntung leivui bek na ne ding hi.”a ci hi.

Tua ciangin Topa Pasian in Eden huan sung a om nuntak tawntung na singgah a nek khak loh na dingun Adam le Eve te Eden huan pan in bawl khia a, Eden huan a nuntak na singkung singgah anekkhak loh na dingin  Eden huan  acing ding in vantung mi nih in meikuang naupai tawh a cing hi.

Tua mah bangin eite zong mawhna khilhna i bawl thei a, ahi zongin tua maehna te i bawlkhak ciangin midangte mawhsak lo-in Pasian kiangah mawh mai na i nget ding a hi hi.Topa Pasian in amah itin athu i man ding hong deih hi.