Amasa pen unau nih te

   NAUPANG LAISIANGTHO TANGTHU 

LESSONS 3,PART 1

    laisiangtho kamngah,

                   Rom 12:21

                    Gitlohna kizosak kei unla,

                    apha gamtatna tawh gitlohnate

                    a zo na hi ta un. 

Alimte pen freebibleimages pan akila hi.

                

          Adam leh Eve te in tapa khat hongnei in aminding in Cain phuak hi.Tua zawh asawtlo in tapa dang khat neikik a Abel ci uhhi.

             Amau te nih hong gol uhciang in Cain pen lokho pa hi a,amah in leipan apiang ngah tampi hong nei hi.Abel pen tuu kempa hi-in amah in tuu te lono na munah paipih in muanhuai tak in akem hi.   

             Ni khat Cain leh Abel in meihal biakpiak na ong bawl uh a, amau sepsa te tungtawn in Cain in alo pan apiang an te hong paipih in,Abel in zong atuu hon tacil  te leh asa limcipen te paipih hi.Topa in Abel leh a ma piak na thusim a,ahi zongin Cain leh amapiak na thusim lo hi.
 

            Tua ciangin Cain heh mahmah hi.Topa in amakiang ah "banghang in nang heh a namaisia ahi hiam?limtak in hih lecin nang hongki sang loding ahi hiam,?acihi.

            Cain in anaupa Abel kiang ah gamlak ah vak ni cihi.amau te gamlak ah hongvak uh a, gamlak kua ma muhloh na ah Cain in asamggam pa Abel athat ahi.
   

               Tua khitciang in Pasian in Cain kiang ah "na sanggam pa koi ah om ahihiam?"ci- in adot ciangin Cain zong laukawm sa in "ka thei kei hi kei-in kasanggam akem pa ka hi kei hi."acihi. 
   

                Pasian in  "Cain nang in nasanggam pa na that khin hi tua ahih man in tu-in nang in lo na khawh hang in nang ading leitang in bang mah hong piang sak nawnlo ding hi. nang pen agal tai leitung ah avakvai na hi ding hi "acihi.      

              Cain in Topa tung ah kei gim ongki piak na ka tuak zawh ding hilo hi. kei ong mute in hong that ding hi acih ciang in, Topa in tua bang hilo ding hi Cain aki that  leh athat te tung ah azah  sagih in ki thuk kik ding hi cihi.Cain amupeuh in athah loh nading in Pasian in ama tung ah ciapteh nakhat akoih  hi.Tua ciang in Topa om na pan in Cain pai khia-in Eden nisuah na lam Nod gam sungah ateeng hi.

          Hih tangthu i zak ciang in Pasian in ei te tungpan in i lungsim khempeuh tawh ,asiangtho pen leh ahoih alimcipen tawh ihih theih tawp in i biakpiak ding hong lunggulh hi cih ong musak hi.