Mipa leh azi Pasian bawlsa huan sung ah nuamtak in a om laitak un dawimang pa gul bang in numei kiang ah hong pai in "numei aw Pasian in huan sung singgah khat peuhpeuh ne lo ding ong ci hiam" ci-in va ze-et hi.Numei in zong "huan laizang a om sia leh pha khentheih na singgah nane kei ding uh hi zong na lawng kei ding uh hi na nek nini un na si ding uh hi hong ci hi "acih ciangin gulpi in "na si kei ding uhhi.
Tua ciangin theiteh la in khuituah in asilh uhhi.Nitak ciang in Pasian hong paina ging azak uh ciangin lau in abu uh hi ahi zong in Pasian in mipa sam in Adam aw koi ah om na hi uh hiam?"acih ciangin mipa in "na gin na ka zak uh ciangin lau in ka bu uhhi banghang hiam cih leh ko te tangguak in ka om uhhi" aci hi.Tua ciang in Topa Pasian in "note tangguak a na omlam uh kua in hong gen ahi hiam?ne kei un kongcih singgah ne na hi uh hiam?"acih ciangin mipa in "kei tawh om ding a nongpiak hih numei in singgah hongpia a ka ne hi" acih ciangin numei in "gulpi in hongkhem a ka ne hi" acihi.
Tua ciangin Pasian in gulpi kiang ah "nang in gamlak ganhing khempeuh sang in samsiat na na ngah zaw hi nagil pi tawh lamna pai ding a na nuntak sung tawntung leivui bek na ne ding hi" ci -in numei kiang ah "nang in gulpi thumang in na nek loh ding pi ne na hih man in naupaai na ah nagim na ka khangsak ding a na sa pipi in nau na nei ding hi" a cihi.Mipa kiang ah "nang in nazi thumang in ne ke in kongcih singgah ne khin na hih man in na nuntak sung tawntung gimpi in na sem in na an nek ding na zong ding hi .lei ah na ciahkik mateng khua- ul kal in gimpi in na na sep ciang bek in an na ne ding hi."cihi.mipa in a zi min ding in (mikhempeuh nu acih na) Eve phuak hi.
Pasian in mipa leh azi ading in savun puan bawlsak in asilhsak hi.Tua ciang in Topa Pasian in mipa leh azi in nuntak na sing gah a nek khak loh na ding in Eden huan pan in apai khia sak hi.
Tua ciangin Topa Pasian in Eden huan a nuntak na singkung acing ding in kherub te leh munkhempeuh a nga thei meikuang namsau Eden huan nisuah na lam ah akoih hi.
0 Comments