LESSON 4:PRIORITIZE OTHERS
Abram leh lot kikhen
(Pian 13:1-18)
Sinsaknop:Angsung bek khual lo a, midangte tungah deih sakna lungsim itna lungsim neih thei nading.
kamngah
Filippi 2:4
Note’ phattuam nading bek ngaihsun kei unla, midangte’ phattuam a ding ngaihsutsak zaw un.
(Banghang naupangte nih le thum a omna ah nekthei khatpeuh a om ciang a la masa nuam kituh sese a hi tam?Ka Sunday school khan sung uh ah naupang 30 bang a om lak ah khat samin lawh(basket)sung a om a ki bang bekbek candy honkhat la in hi tenglak ah na deih penpen teel in ka cih leh toktok in a lakding bang thei paklo, tua leh aw boih nang hi te duhlo maw?Tun ken nambat(number) 1 pan10 dong ong sim ding ka simkhit a na lak nai kei leh ngahlo ding ci-in 1,2 cin ka sim leh aman zong tua aki bang candy pen nawh tok semsem 9 ka cih lian leh khat la in a tut na ah pai kik.Tua in bang ong phawk sak hiam cihleh aw naupang te zong hilh kullo amau angsung dingmah a thei midang te sang kei ading mah a kici tek a hih na ong phawk sak mahmah.)
Tuni i sinding a hih leh Abram le Lot in zong teel ding khat na nei.Khat zawzaw in a teel masak kul.Tun en ni maw bang teng ong hi tam.
Nidang lai in Abram a kici Pasian a it a zahtak khat om. Ni khat Pasian in Abram kiang na teenna panin paikhia in la nang kongpiak ding gamah pai in ci Tua acih ciang Abram zong kithawi in a zi Sarai le a sanggam pa tapa Lot tawh pai uh hi.Abram in Pasian um in muang ngiat a hih man in Pasian cih bangbang in a gamta hi.
Pasian in thupha pia a, Abram in neih le lam tuuhon, gan hon le nasem mi hau mahmah hi.Amah tawh apai khawm Lot in zong tuuhon ganhon hau mahmah hi.Amau te nih munkhat ah teng khawm uh hi.
Tua bangin Abram gancing te le Lot gancing te kikal ah ki tot na om zelzel ciangin Abram lung hi mawh ahih manin Lot tawh a tuamtuak a omkul ding hi cih ngaihsun hi.Tu-in khat zawzaw in a om na ding mun uh a teel masak hong kul hi.Abram pen lot adingin a pano hi a, akhualzin na uh ah amakai zong a hi hi.Tua ahih manin Abram in a deihna teel in adeih loh zawk na Lot pia lezong hi thei hi.Ahizongin a man tua bangin hih lo in Lot teel sak masa hi.
Tua ciangin Lot zong khuadak kawikawi in tui limtak kingah in,lopa nim dildial na lam Jordan kuam dungsuk teng a mu hi.
Lot in hih hihmun ah teng leng tui hoihtak ngah in lopa zong hoih ahih manin ten nadingin hoih hi ci-in mu ahih manin
Jodan kuamteng teel in a innkuan le a neihsa tengtawh Abram kiang panin a pai khia uh a, Jordan kuam ah a teng uh hi. Tua teng pen migilo te teenna Sodam gei a hi hi.
Abram kiang panin Lot apai khiat khit ciangin Pasian in Abram hopih a, “khuadak to in la, nangma omna panin lei Lu lam le lei taw lam en in bang hanghiam cih leh na muhna gam khempeuh nang le nasuan le khakte kong pia suak ding hi.Na suanlekhakte, leitung leivui zahin tampi ka phasak ding hi.Mi khatpeuh in leitung leivui asim theih le nasuanlekhak te zong kisim thei ding hi.Ding inla gamsung gamvai kantanin pai in. Bang hang hiam cihleh nangtungah kong pia ding hi.” a ci hi.(Pian 13:14-17)
Tua ciangin Abram dingto in Hebron gam sung ah a teng hi.Abram in Long deihna teel sak masa a,Pasian in Abram thupha pia mahmah hi.
1.Abram le Lot gancing te banghang ki tawng uh hiam?
2.Bang hang Abram le Lot kikhen?
3.Kuan adeih na teel masa?
4. Kuan munhoih ngah zaw?
5.Pasian in kua kiang kamciam pia?
0 Comments