lesson 6,part 2
ABRAM LE SARAI
laisiangtho kamngah
2korin 5:7
Muhna hang tawh lungmuang in a om hi loin upna hang tawh lungmuang takin a om ka hi uh hi.
1.Abram ki sawl
Nidang lai-in ah, Abram akici Pasian ait mahmah mikhat om hi. Nikhat Pasian in Abram sam in,"nagam,na beh le napa'inn pan in nang kong lah ding gam ah pai-in.Nang thupha kongpia ding a,mite in nang thupha ngah bang in thupha angah nading un hong ngen ding uhhi."ci hi ci.
2.Abram in Pasian thumang
Abram in Pasian thu mang in,a sanggam pa tapa lot le ama zi Sarai le amau I neihsa asila te ahi a,aganhing te khempeuh tawh ong paikhia uh hi.
Tua ciangin amaute Haran pan in hong paikha uh a, shechem dong ong tung uhhi.
2.Abram tung ah Topa kilang
Tua ciangin Abram tung ah Topa kilang a,"na suanlehkhakte tungah hih leitang ka piading hi,"aci hi.
Tua ahih ciang in,Abram in tualai mun ah,a kilang Topa ading biakna tau khat bawlhi.
Tua lai munpan in amah kinkik in nitum na lam Bethel nisuah na lam Ai omhi. tua Bethel le Ai kikal ah biakna tau khat alam hi.
Amah in akhual zit zomsuak lai a Negev lam manawh in apai hi.
3.Egypt-ah Abram
Tua laitak in kanaan gamsung ah kialpi nasia tak in tung ahih man in,tawl khatsung Egypt-ah a om ding in apaisuk hi.
Egypt gam atunding uh ciangin Abram in azi kiang ah" nang pen na mel hoih ahih man in Egypt miten nang hong muleh hoih ongsa ding in,kei ong that in nang pen azi ding un ong la kha ding ahih man in, nang pen kasanggam nu ci ni tua hi leh ei ading in hoih zaw ding hi " acihi.
4.Falo in khem thuak
Amau te Egypt gam ong tungta uh a,A lam et mahbang in Egypt miten Sarai hoih sa mahmah uh ahih man in Faro Kiang ah agen uh hi. Faro in zong hoihsa ahih man in tua nupi nu Faro innsung ah kila hi.
Tua hang in Faro in Abram limbawl mahmah a,tuu,bawngtal,latal,pasal nasem, numei nasem, lanu le kalaoh te apia hi.
5.Faro innsung ah gimna tung
Ahih hang in Pasian in Sarai huhau in Faro innkuansung ah gimna lianpi tungsak hi.Tua ciangin Faro in Abram sam in "bang hang in hi bangin kei hongbawl na hihiam?Amah na zi ahih lam bang hang in keikiang ah onggen lo na hi hiam?Tun nazi hilai ah om hi amah la in la pai khia un"acihi.
Tua ciangin Faro in amite thupia a,amau te in Abram le azi lampi ah akha khia uhhi.
Tua ahihciang in Egypt pan in Abram Negeb lam ah apai to hi.
Amah in apuanbuk lam nasa Bethel le AI ki kal ah amah pai kik in tua lai mun ah, Topa tung ah thu angen hi.
Piancil 12:1-20,13:1-4
NAUPANG TE ADING DOTNA
1.Pasian in, napa' innpan paikhia in a anawl kua?
2.Abram zi amin bang?
3.Abram in banghang azi pen kasanggam nu cin khem hiam?
4.Faro innkuan sung ah banghang ngimna tung hiam?
5.Pasian in Abram kiang ah koi ah pai in cihiam?
0 Comments